كيف الواحد يعيد حياته من الصفر؟
السلام عليكم، عندي شوي اسئلة و ودي احاول اخطط للمستقبل.
زي كل واحد لسع عالق في السودان الحرب دمرت كل شي عندي و عند اهلي، لكن اكتفيت اكون كئيب عن الحاصل و داير امشي قدام. بس ما عارف ابدأ من وين.
انا سئلتكم قبال كذا عن المسارات المفتوحة لي في الجامعة و عن الدبلوم (باختصار ودي اقرا دبلوم IT في جامعة حكومية في السودان)، و لسع اعتقد انه افضل مسار لي. لكن بسبب نقص المصاريف حالياً ما بقدر اواصل و احتاج أجل الفكرة.
اكبر مشكلة عندي المتعلقة بكل حاجة هي المصاريف و مافي حل الا الشغل، لكن منو بيوظفني؟ الشغل داير ليه مهارات كثيرة و انا ما عندي حاجا و ما عارف ابدأ من وين اصلن. في كورسات ممكن الواحد يسويها في كم شهر بتديه مهارات مفيدة؟ او في حل تاني؟ رجاءً افيدوني يا جماعة.
اذ عندكم اي نصايح او تجارب عن اعادة الحياة من الصفر سمعوني.
Posted Nov 14, 2025, 2:00 PM UTC