كنت عايز بس اسال بس الملحدين سوال بسيط ( مش نقاش ديني )

دلوقتي لو هنتكلم ب الواقع مفيش حد مهتم بالتاني يعني ولا انت مهتم ان حد يبقا مسلم ولا المسلم مهتم انك تبقا ملحد

ليه لما اشوف حد بيخرج عن الاسلام بيقعد يشتم فيه ؟

يعني بعيدا عن انت مش موافق عليه و سيبته ايه الفايده من الشتيمه ؟

وانت يا مسلم لما حضرتك تقعد تنزل ميمز عن الملحدين الي مش بيستحمو غير يوم الجمعه

ليه بتخلي الناس تغلط في الدين ؟ انت كدا مش بتنصر حاجه شكلك كدا هيبقا مهرج ليهم

وانت يا ملحد بردو نفس الكلام لما حياتك كلها تبقا متحوره او بالمنطق يعني اوكنتك هنا يبقا كله شتيمه في الدين بس

هعتبرك إنسان عاقل ازاي اني ممكن ابقا ادخل معاك في نقاش و بردو هيبقا شكلك زي المسلم الي أنا قولت عليه فوق و كمان ليه تعيش نفسك في حرب علي نت يعني علي الاقل اهتم بحياتك يعني عشانك انت

انت هتبقا بردو مهرج للفكره الي عندك لان مفيش حد بيقتنع ب فكره او موضوع مهم زي الدين غير بالكلام الكويس من غير شتيمه ولا تريقه

وانا جبت سيره الاتنين عشان محدش يقولي ما انتو بتعملو

مينفعش تعمم و فعلا أنا شوفت كذا حد هنا مش مسلم محترم عادي و كذالك بردو انت اكيد شوفت واحد مسلم مش بيتريق لان كل الناس فيها حلو و الوحش

و اي كومنت هيسال سوال في الدين معلش مش هرد لان دا مش موضوع البوست دلوقتي