نتانة الاوربيين

قبل فترة اشتغلت مع واحد اسباني جاي من فرع الشركة الي بشتغل فيها في اسبانيا، المهم انا عمري ٢٦ سنة وهو تقريبا ٤٥ سنة.

اول يوم واحنا عند العميل الاخ حوالين الساعة ١ الظهر بقول للعميل احنا راح ناخد بريك عشان نوكل، انا باخد اكلي معي على الشغل عشان التوفير+الصحة. المهم قلت له مافي اماكن قريبة هون نمشي عليها عشان الاكل اذا بتحب اطلب اكل، قلي لا اكيد في اشي قريب، المهم اخدته على مطعم راجعين وقلت يالله اكرام الضيف ( مع انه مش ضيفي اصلا) ومع انه معاي اكل.، المهم الاخ طلع جعان ( مش جوع البطن) وطلب اكل وانبسط واجى وقت الحساب قلت له لا هاي علي.

المهم، ثاني يوم اجى نفس الوقت بقلهم يلا احنا رايحين نوكل، المهم قلت له انه انا معاي اكلي، واذا بتحب بتقدر تنزل كريم وتطلب اكل وفرجيته موبايلي انه افرجيه شو في خيارات، المهم ولا اخد التليفون، قلت له بتقدر تنزله عندك قلي لا لا بطلب من هون! تخيلو؟ طلب اكل على حسابي للمرة الثانية بكل عين وقحة!! انا صراحة هون قبعت معي على الاخر، وقت خليني اشوف بكرا كيف بدي اصرف هالوقح.

اجا اليوم الثالث وبنفس الوقت، بقلي بدي اوكل، قلت له نزل كريم قلي لا لا مافي داعي انزله، وخلاص واح انزل اطلب اكل من تحت ( في مطعم برجر تحت) "عشان ما اخليك تدفع" انه صفنت انا احا بده يحملني جميلة انه مش انا الي حدفع احا احا!!

اه وفي فقرة ثانية، الاخ قعد بعمان ٦ ايام، بدون انترنت، بقله ياهي نزل E Sim بقلي لا انا قاعد شوي، اول يوم راح للعميل مشي من فندقه مشي تقريبا ساعة عشان يوصل :) بعدين صرت اوصله واجيب معاليه انا، لحد ما ثالث يوم قرفت منه قلت له انا مش حقدر اجيبك و اوديك.

وبس