ده فيلم أنتاج مصري ومخرجه مصري اسمه (عائشة لا تستطيع الطيران) ,فيلم فيه أجندة غرضه يلم جوايز, أتعرض في مهرجان سينمائي من شهور وبيتكلم عن بنت سودانية عايشة وسط المصريين في ظل الأزمة الحالية في السودان والمصريين دول بيستغلوها بشتي الطرق بيعنفوها وبيشتموها وبيتحرشو بيها ومفيش أي حد كويس في الفيلم, الفيلم مصورنا علي أننا أشبه "بالنازيين".

بشوف ناس كتير بتحاول تتودد للاجئين والمهاجرين بصورة غير منطقية فاهم انهم ناس في أزمة ولكن عايزين الواقع؟ لا هي دولهم كويسة عادي مثلا سوريا مش بقت تمام؟ ومين بدأ الحروب اللي هما فيها؟ امريكا مثلا؟ لا دي حروب أهلية هما اللي خلقوها ب ايديهم ف لما نتحملهم واجب عليهم يشكرونا مش يصورونا في فيلم علي أننا نازيين.

احنا مش عاملين مخيمات لاجئين ولا مصر ضمن نطاق عمل الأونروا, احنا بنعلمهم بنأكلهم بنشربهم بنسمحلهم يتاجرو ويسكنو وسطينا ودي رفاهيات مش موجودة في دول كتير من اللي بتستضيف اللاجئين خصوصا في الشرق الأوسط, مفيش حد بيستضيف (10 مليون) لاجئ ومهاجر في بلده في الشرق الأوسط وبيسمحلهم يعيشو بالشكل ده, ولكن هل فعلا مهما عملنا مع الناس دي هتفضل زي جزاتنا؟.

أجندة عدائية ضدنا كمصريين والمفروض ناخد بالنا منها