لفضح المتحرشين

ليه مفيش حد يعمل ابلكيشن لفضح المتحرشين وتنزيل صورهم وأماكنهم عشان نعيشهم نفس انعدام الامان اللى بنبقى فيه

فى الاماكن العامه او حتى فى الدروس والمدارس والكافيهات كل مكان حرفيا وارد يببقى فيه ناس مش مظبوطه حتى لو متشيكين حتى لو فى اعلى المناصب .ليه ميبقاش فيه ابلكيشن واى حاجه تحصلنا نصور وننزل على طول يكون فيه ليستة متحرشين فى كل مدينه تكون الليسته موجوده بحيث يكونو مكشوفين وسمعتهم تبقى زفت ونحملهم نتيجة افعالهم غصب ولو جزء منها لان مش طبيعى أنا عندى مثلا من قرايبى فيه اتنين متحرشين اوساخ

كل واحده من صحباتي وقرايب قرايبى عندها القريب المتحرش دا بدون مبالغه حرفياا كلهم مرو بتحرش لما كان اطفال

بجد مش طبيعى الموضوع فعلا فعلا صعب حاجه واستحقاق عالى جداا عند المتحرشين خصوصا فى الشارع لدرجة لو راجل تانى اتدخل ودافع عن بنت يشخصنها معاه ممكن يضربه او يقتله فيها عشان كدا الناس مبتتكلمش يجماعه

الناس دى محتاجه يتكسر نفسها وتتنبذ لإن فعلا فعلا هى ظاهره فى البلد ومش جديده الموضوع موجود من زمان زى دلوقت بالظبط يمكن الفرق ان بعض الناس بقت تتكلم ولازال مش كلهم

أنا مثلا وانا طفله ابتدائى ليه ابقى ماشيه وواحد اد ابويا يقولى كلام جنسى ويعلق على جسمى اللى هو جسم طفله ! ولو انها مش هتفرق بس القذاره واصله للأطفال مش طبيعى كل البنات اللى عرفتهم فى حياتى كلها حتى امى وجدتى يا خير أمة أخرجت للناس مرو بمواقف قذره بجد قذره بدون دخول فى تفاصيل فحاسه ان يكون فى مكان مخصص للناس دى شئ ضرورى

لأن فى لحد دلوقتى اهالى مبتعرفش تشتكى بسبب ثقافة العار اللى موجوده عند معظم المجتمع والمتحرشين اللى بيستغلو نفوذهم على بنات غلبانه اللى مبيقدروش يرجعو حتى جزء من حقهم الطبيعى وأظن فكرة مكان آمن لفضح الناس دى ممكن تحل جزء من ازمه زى كدا لأن ماشاء الله الحكومه تحسسك انها جامده وتصمد معاك وتغريك بالسريه وهنجيبلك حقك يبنتى ويقولو هيعملو كذا وكذا ولا بتعمل أاااى حاجه ولا حاجه ولا الهوا إلا للناس اللى تخصها و بس

او لما الموضوع يتشهر بقا ولازم يبانو فى الصوره مش أكتر وعن تجربه مع ان ليا ناس تقيله فى البلد على فكرا بس لازالو بيستهيفو الموضوع وبياخدوا على انه مراهق بيلعب ومش مستاهله طالما الموضوع مكبرش ومش هيبانو فى الصوره يبقى خلاص

نيجى بقا للدين ابن المئة ناقه دا عشان هو سبب رئيسى فى التأخر اللى احنا فيه عن باقى الدول المحترمه واحتمالية البلد تبقى علمانيه وفيها تقدم ملحوظ فى الحقوق الانسانيه حتى زى باقى الدول الدين منعها بحجج تافهه لا بتقدم ولا بتأخر من شيوخ آش دخلهم فى ام البلد مش فاهمه والنتيجه الاغتصاب الزوجى لا يعترف به ولسه ثقافة العار واللى بيمررها الشيوخ من جسم السيدات على طبق من دهب موجوده بالتالى صور الضحيه مش مسموع تعرفو ان قضايا التحرش اللى بتطلع ترند دى ولا عشرين فى الميه حتى من اللى بيحصل
عشان اغلبنا صوتنا مش مسموع حتى لما بنطالب بحقوقنا العاديه الطبيعيه تلاقى ديما ديما شيوخ يتصدو ويقولو الاسلام كرم المرأه عشان مايحلوش المشكله كمان بتعتبروها تهديد لمكانتهم ورجولتهم إلا من رحم ربى زى ما بيقولو