مين اسوء شخص قابلتوه او صادقتوه وليه؟ متحمسه ابي اعرف سوالفكم

بالنسبه لي اسوأ شخص قابلته بحياتي ايام الثانوي كان عندي قروب صديقات ١١ بنت ووحده منهم كانت راس الشر شخصيتها خياس بشكل.. تتشكى وتحش بالرايح والجاي حتى الي ماضرها، حرفيااااا محد سلم من لسانها

المهم معد قدرت اجاملها لانها تشحني طاقه سلبيه فبعدت عنها بكل هدوء وشكلها تحسست فراحت قلبت كل القروب علي هههههه يمين بالله مدري وش عبت راسهم به عشان يقلبون علي بهالطريقه اذوني نفسيا وكانوا يحرشون المعلمات علي انا وصديقتي. ويكتبون كلام بالجدران سب فيني و كنت اضحك بس متألممممه بداخلي وكانوا مايتعرضون لي بشكل مباشر بل كانوا يدفون صديقتي قدامي عشان انفعل واطلع بصوره سيئه متخيلين؟وكل ذا بسبب السوسه ذيك. عاد جا يوم وقابلت امها وصارت هوشه.. وباللحظه الي شفت امها قلت بعذر بنتها شخصيتها تبن. الام بكبرها رايحه فيها

طبعا ذا قطره من بحر فيه تفاصيل واااجد، عاد الى يومكم مانسيت الفتره الي عشتها.. للحين الموضوع مأثر علي لان من اول عندي اضطراب نفسي وزاد بعد السوات الي سووها لاني وقتها كنت بفتره مو مستقره بالبيت ومع الاهل .. وحاليا اتعالج الله حسيبها هي وامها والي معها عساهم مايتوفقون بحياتهم