مشكلة عاطفية

في بدايات دخولي الجامعه سنة ٢٠١٢ تاتعرفت على بنت على الفيس كانت اردنية هي كانت حد لطيف وجميلة جدا وكانت من اكبر عائلات الاردن وبعتتلي اثباتات بكده المهم حبينا بعض كنت في مرحلة مراهقة وخارج من كبت الثانوية وكمان عايش في الاقاليم مش مدينة .. حبيتها حب كبير جدا وعمري ما مارست معاها سكستينج وكنت ساذج ومصدق اننا لما نتجوز هتيجي مصر وتعيش معايا واكتر من مرة عرضت تساعدني بفلوس لاني كنت بشتغل واصرف على نفسي وانا كنت ارفض.

مرت حوالي ٣ سنين مع بعض قالتتلى ان اهلها عايزين يجوزوها حد قريبها من العائلة وغاصبينها تتجوزه المهم كانت صدمة كبيرة ليا قلتها خلاص كل شيء قسمة ونصيب وانا مفيش حاجه بايدي بعد جوازها كانت بتبعتلي رسايل ان جوزها بيغتصبها لما قالتله انها بتحبني وانها مش عايزاه واحيانا بتبعت رسايل انه بيطفي السجاير على جسمها لما اعترفتله انها مش بتحبه.

طبعا كل ده وانا بين نارين حب حياتي وبين انها خلاص اتجوزت حاولت كتير ابعد عنها وكنت بضعف كل ما الاقيها متمسكه بيا المهم عملتها بلوك في الاخر بتاع اربع شهور رجعت كلمتني تاني من اميل جديد وقالت انها انفصلت عنه واتطلقت سالتها السبب قالت انه كان بيعمل علاقة Anal كتير معاها واخيانا بتحكي انه كان بيعذبها اثناء العلاقة او بيذلها بحجه انه جوزها ويعمل اللى هو عايزه.

رجعنا اتكلمنا كام شهر ورجعت لجوزها وعملتلي بلوك ساعتها دخلت الجيش سنة ولما خلصت رجعت تقولي انا اتطلقت منه ومش راجعه له تاني بس بدات الاحظ ان طريقتها متغيرة وبدأت تتكلم في الايحاءات والسكستينج وتعرض عليا انها تيجي مصر ونتجوز انا طبعا ايقنت ان كل ده كلام فاضي وهي لا هتيجي ولا حاجه انا كنت طبعا لسه بادئ شغل جديد وعايز اثبت نفسي وكنت بخاف بصراحة ان العط الكتير معاها هيرجعني تاني لنقطه الصفر فقولتها كلام زعلها مني وقفلنا كلام على كده

عدد السنين اللى اتكلمنا فيها كانو سبع سنين انا حاليا ٣١ سنة والكلام ده عدى عليه حوالي ١٢ سنة بس مؤخرا بدأت اشوف اميل اخوها على الاصدقاء المقترحين وحد قاللي انها ممكن تكون بتدخل من اميل اخوها عندي على صفحة الفيس طالما بيظهر عندي المهم انا احيانا بحس بالندم يمكن عشان نفسي حد يحبني وانا كتير بقعد اضحك على سذاجتي معاها وازاي استنفزت طاقتي ومشاعري