 دماغها مريضة جايبلها بيت و اكل و بينزل الشغل و مخليها قاعدة ف البيت معززة مكرمة و بيلبي احتياجتها عاوزة ايه تاني.

 يخربيت الخيال و القصص الخيالية اللي سيطرت على عقول المراهقين و خلت عندهم توقعات عالية جدا. مفكرة انو هي هتقعد ف البيت كدا بسواد عيونها و هو يدلعها. ماشاءالله حتى شغل البيت بقى حاجة وحشة و المفروض البنت متعملهاش.

على اساس انو هو يعني عايش ملك ماهو التاني بينزل يتمرمط و يشتغل و يتعب نفسو و انتي كذلك بتتعبي نفسك ف شغل البيت عشان الكل يبقى مبسوط.

 كل اللي مفكر انو البنت ديه عشيتها عيشة وحشة ت/يبقى غبي/ة و محتاج يراجع تفكيره لأنك لما تتجوزي او انت تتجوز انت مش هتتدلع او تستعبد حد انتو الإتنين هتقفوا جمب بعض سواء انك تساعدها ف شغل البيت او هي تقف جمبك ف شغلك لو فيه مشكلة غير كده لو حد متوقع انو يتدلع و يستعبد التاني يبقى يقعد جمب امو و يريح الطرفين عقبال ما ينضج و يقدر يتجوز. 

لكن لو مفكرة انو هو هيخليكي تقعدي ع السرير و يشتريلك اللي انتي عاوزاه منغير ما تعملي اي حاجة و يدلعك شبه الخيال. او انت مفكر انك تقدر تضربها و تكسر بخاطرها او متساعدهاش و تجرحها زي الخيال الرومانسي السوداوي ده. 

تبقى انتو الإتنين نوعية مريضة محتاجة تتعالج و تنضج.

بص انت للجانب الإجابي عندك جوزة بتحبك و انتو الإتنين عايشين مع بعض محدش بيكسر بخاطر التاني و الكل واقف جمب بعضو.

و انتي عندك جوز بيجيبلك اللي انتي عاوزاه على قد مقدرته و مش معيشك ف الشارع او زلك.

من الأخر كدا الملخص انو الطرفين كل واحد بيبقى ليه مسؤليات لازم يعملها و الإتنين لازم يقفوا جمب بعض.

هو في بنات بتفكر كدا بجد؟