Need help for Nissan March car

Yaar meray paas Nissan Micra Urbis 2008 (JDM March, automatic) hai aur pichlay kuch dinon se bohot ajeeb sa issue chal raha hai.

Jab main akeli drive karti hoon, tab hi engine check light aa jati hai. Mechanic ke paas jao to light bilkul off ho jati hai, scanner par koi engine code show hi nahi hota. Sirf aik airbag sensor ka code aata hai jo engine se bilkul talluq nahi rakhta.

Scene yeh hota hai: Gaari achanak power lose kar deti hai, jaise thandi ho gayi ho, aur phir bilkul race nahi leti. Race dabao to response zero — gaari bas slow speed par rehti hai aur pick nahi karti. Lagta hai sensor momentarily fail hota hai.

Ek dafa Motor Plaza gaye thay to wahan code aya tha aur mechanic ne TPS (Throttle Position Sensor) ka masla bataya. Lekin woh code bhi kuch der baad gayab ho gaya, matlab intermittent fault chal raha hai.

Masla yeh hai ke Karachi mein Micra Urbis/March (2008 JDM) ke parts dhoondhna mushkil ho gaya hai, specially TPS sensor ya throttle body.

Is liye help chahiye:

1. Nissan Micra/March ka expert mechanic/electrician Karachi mein, jo live data properly check kar sakay (TPS %, MAF, coolant temp, fuel trims).

2. TPS sensor ya throttle body ka koi reliable parts dealer jo JDM Micra Urbis ke parts rakhta ho.

3. Kisi ka experience ho jisme engine light aaye + gaari race na le + slow hi chalti rahe — please share.

Agar kisi ko Shershah, Motor Plaza, Saddar ya kisi online trusted seller ka pata ho jo Micra Urbis ke parts deal karta ho, please bata dein.

Ek chhota sensor poori gaari ki performance ruin kar raha hai — koi lead bohot appreciate hogi.