لحظة ادراك!

قبل فترة تقدموا لنا ناس ورفضناهم ومرت الايام..

فجأة الحين تذكرت قبل سنه كنت منسدحه على الكنب في الجامعة ( ماكان فيه احد حولي) وجت ادارية اتوقع ف أنا استحيت وعدلت جلستي وجلست تسولف معي قلت اسمي وقالت من وين قلت من المحافظة الفلانية قالت اوووه عيالي من نفس المحافظة و تقول انها تعبانه ذا اليومين ولا تمسك الجوال قلت ليش قالت امي توها متوفيه وجلست اواسيها و قلت انا بعد جدتي توها متوفيه الله يرحمها و قلت اسم عايلتها و سألتني عن خوالي وعماني و قلت لها كل شي حرفيا حتى عمات ابوي وكذا وصارت تعرف عيالهم و مدحناهم قلت احبهم مره وجيههم تفتح النفس قالت فعلا ناس فيهم قبول😭😭

المهم انبسطت معها واضح شخصية لطيفه مره مره كانت تعطيني وجه في كل شي اقوله الله يسعدها … انا وش تذكرررت؟ موضوع اللي تقدموا لي هذولي💀

نفس العايله ونفس المحافظه! يعني امه بعد سنه اتصلت على امي وطلبتني بالاسم خصوصي ههههه

قهر توني استوعب الموقف واحط النقاط على الحروف 💔💔💔 ممكن تتقدمون لي مره ثانيه؟ امزح😔 بس شسوي خفت والانسان عدو ما يجهل والله لو مستوعبه انها نفس الانسان اللي سولفت وضحكت معه بوافق كانت بتكون خالتي الجميلة😔😔😔