ازاي اعوز اخلف ؟؟

عندي كذا سبب يخليني مش عايزة اخلف منها اني مريضة قلق مزمن من و انا طفلة ، اختي عندها tourette syndrome و اللي مش عارف دا ايه يعمل سيرش و يشوف فيديوهات و انه مرض وراثي ، و بعيدا عن كل دا حتى لو كل دا اتحل فأنا مفيش جوايا دافع الامومة دا خالص و مبحبش الاطفال ، بقيت احس انها خلل عندي اني معنديش خالص الفطرة دي، الناس كانت بتقولي مع الوقت هتلاقي نفسك عايزة تخلفي لكن انا وصلت ٢٨ سنة و الرغبة دي عمرها ما جاتلي ، انا شايفة العالم مكان سئ و انا مش مبسوطة اني هنا فمش عارفة اجيب حد تاني ليه ، مش عارفة دا بسبب القلق اللي عندي ولا دي الحقيقة.

المهم الموضوع دا وقف حالي و وقف جوازات ليا ، الناس بتقولي اني مقولش كدا للي جاي يتقدملي و اني اجيبهاله بالتدريج بس انا عايزة اكون صريحة لأني لو مكانه احب الطرف التاني يبقى صريح معايا، لكن لحد دلوقتي مقابلتش راجل مش عايز يخلف و مسلم معظم اللي بقابلهم لادينيين .

هل فيه امل اقابل حد يكون مسلم و مش عايز يخلف ؟ او الاحسن يكون عقيم بجد امنية حياتي ، او هل فيه امل اعوز اطفال فيوم من الايام لأنه يا جماعة انا نفسي اعوز اطفال عشان حياتي تمشي لكنها حاجة مش بأرادتي