انا عايش لوحدي من سنه وكنت في بيت ابويا امبارح وأول مرة أركز في المكتبة الضخمة اللي ماليّة  مكتبه حرفيا حرفيا الاوضه كلها ارفف وكتب دا حتي الحيطان انا عمري ما شوفتها وفي النص مكتب اللي بيدرس فيها القضايا هوا كان بيقضي وقت كبير فيها وكان محدش بيخشها غير ان انا عمري ما اهتميت أبص فيها قبل كدا دايمًا كنت متخيلها مجرد كتب قانون وتقيلة بلغات غريبة  وفيها جزء للكتب الإسلاميه وخلاص بحكم انه راجل متدين "ومعاه دكتوراه في الفقه الاسلامي"
ومحامي كبير يعتبر من الصفوه في محافظتنا 
بس لما رحت النهارده كنت محتاج كتاب ليّ عشان الكلية انا في حقوق فالفضول اخدني لان دي اول مره ابويا يسمحلي اخش المكتب بتاعه اصلا وأنا بقلب اتفاجئت لقيت كتب كتير جدًا، ومنها كتب بتتكلم عن الإلحاد والنقد والفلسفة وكتب قديمه وجديده وحاجات عمري ما توقعت ألاقيها عنده حسيت إن في جانب من شخصيته أنا ماعرفتوش قبل كدا خصوصًا إن علاقتنا عمرها ما كانت كويس وأصلاً مش أحسن حاجة من بعد ما انفصل عن أمي من سنة تقريبًا.
الموضوع شدّني وخلاني أبص للمكتبة بعين مختلفة لأول مرة انا كنت مش فاهمه بس دلوقتي بقيت مش فاهمه اكتر بصراحه مهتم اسمع رايكم بجد هل هوا مجرد رجل مثقف بيحب يقرا لكله او هوا ملحد مستخبي مش بيقول ولا يبين حفاظا ع شغله وحياته وخصوصا ان عدد الكتب اللي بتتكلم عن الاحاد كتيره اوي 

لو هوا ملحد فنفسي اقوله اني ملحد لان دا هيسهل عليا حاجات كتير خصوصا اني عاوز اصلح علاقتي بيه عشان هوا كلمني اني انزل اتدرب معاه فمش هيبقي لطيف خالص اننا نكون مختلفين وافضل معاه وقت طويل خصوصا انه بيعشق النقاش وانا عمري ما هقدر اخبي توجهاتي قدامه ولو حاولت هيوقعني لانه مش سهل خالص 

نفسي افهم ابويا بجد