أحتاج احجي لأي شخص لأني فعليًا أحس حتقيء نفسي من گد ما أشوف وأدفن بداخلي

اني من جنت طفلة يعني اكيد مو واعية لكني جنت أنتبه لبعض الأمور اللي لحد الآن باقية ببالي ماما جانت تخليني أخفي برامج وأحذف محادثات بموبايلها ما أتذكر محتواها ولايهمني لكن صار الموضوع مهم كفاية لتذكري لحد الآن من گالت لتگولين لبابا وبعد كلام ما أتذكره لفترة طويلة استمرينا على هذا الحال وجنت دائمًا أشوف عركاتهم وعلى حسب علمي كان كلها بسبب شك بابا بيها بعدها نسيت هاي الشغلات لفترة طويلة وبطلت ماما تخليني أسوي شي لحد قبل ٣ سنوات جانت تصرفات ماما تخليني أحس بريبة مرة بابا سافر هو وأخوي وبقينا بس اني وياها وأختي الصغيرة ف بالليل قررنا ننام كلنا بغرفة ماما واني جنت نايمة بس أختي الصغيرة گاعدة ومن ورا صوت موبايلها وحركتها خلتني أگعد ف بدت تحجي شغلات غريبة وگالتلي ماما كاعد تحاجي بابا بالأستقبال بس ماعرف شبيها احسها غريبة هاي وهي عمرها ١٠ سنوات لاحظت ورا شوية هي نست اللي حجته وگعدت تكمل لعب لكن اني لا وبديت استرجع الشغلات اللي بطفولتي ف گمت ومريت من يم الأستقبال على أساس أروح للمطبخ ف شفت الأستقبال ظلمة وماما مخلية سماعات وتسولف بصوت ناصي حسيت بشعور حيل مزعج وحاولت اطرد هاي الافكار من راسي ورجعت للغرفة بعدها بفترة ماما بدت تطلب مني موبايلي وحسب ماگالت تريد تشوف حساب بابا بالأنستا لأن شاكة بي كررتها أكثر من مرة إلى أن بديت أشك وقررت أنو أسوي شي وهذا الشي اني أعرفه على أنه أكبر ندم بحياتي وهو أنو شغلت تسجيل الشاشة من طلبت موبايلي ماما همين لنفس السبب خفت تعرف بالبداية لكنها ملاحظات التسجيل يمكن لأن موبايلي آيفون وهي متعرفله استمرت لخمس دقايق واني گلبي يدگ بدگات حيل سريعة وبعدها انطتنياه بقيت مخليته بأيدي لدقايق على ما أهدى وبعدين فتحت الفيديو جانت تبحث بسجل بحث الأنستا على يوزر بس هذا مجان لبابا جان لشخص أسمه ميثم وبعدها بالفيديو مسحته هي من سجل البحث ، كردة فعل تلقائية علمود أحمي نفسي من هالصدمة خفيت الفيديو ماعرف ليش وحاولت أتناسى لكني صرت ملاحظة لتصرفات ماما غصبًاااا عني ومن جنت سادس جنت أحتاج موبايل ف آخذ موبايلها لأن جنت ضامة موبايلي وبعد توسل شديد تنطينياه ف مرة دخلت عالماسنجر ولگيته بآخر البحث اني ماعرف هواي للماسنجر لكن حاولت أبحوش ولگيت سجل بتواريخ من ال٢٠٢٠ أو ماتذكر مادورت هواي لأن ما أعرف وقريت مؤرشف ومحمي وماعرف شنو بمعلومات المحادثة لكن المحادثة نفسها كانت محذوفة هاي الفترة بدت ماما تسولفلي انو هي متحب بابا حب عاطفي وهي متقرفة من اظهار هاي المشاعر وگالت حتى هو مرات يگولي أحسج متحبيني وترا حتى هو ميحبني هسة هاي بس قبل من جنة مراهقين يعني مجرد حب مراهقة ف سألتها ليش تزوجتي گالت لأن هو أفضل السيئين وجانت تدمع بس ماگدرت أتعاطف وياها… أبدًا لأنها كذبت علينا كلنا وعيشت الكل بوهم ومرات أفكر بإذا هذا اللي وي بابا تمثيل لعد واللي ويانا مو تمثيل؟ وأكثر موقف يدور ببالي حاليًا أنها قبل فترة خلتني أسوي حساب وهمي بالفيس بوك وخلت أسم وصورة بنية وورا ماخلصت گالت هذا أريد أختبر بي أبوج وضحكت اني لأن مسويتها هواي قبل هي وفعلًا سوت اللي گالت علي لكن اللي صدمني أنها تعاركت وياه على أساس أنها لگفته يحجي وي بنية وبدت تبجي وتعيط واجتني وهي بوضع يخوف وگالتلي حذفي الحساب بس اني ماگدرت لأن مجنت حافظة الباسورد ف گالتلي حولي الحساب بموبايلي القديم وحولته واني مستغربة بعدها گالتلي أبد لتگولين لأبوج لأن يطلگني وبنبرة قاسية بعد فترة اجونا أقاربنا من جهة بابا وفجأة ماما بدت تحجيلهم انو شلون لگفته يحجي وي وحدة حجي كله موزين وضلت تبجي واني تصنمت ماگدرت أتدخل نهائيًا وهذا كله صار گدامنا على ميز الأكل، أكو شغلات اضافية بس هذا الموضوع الأساسي ، فدوة ساعدوني شنو أسوي شلون أبطل أحسس نفسي اني المسؤولة عن كل هذا؟ شلون راح أگدر أحب وأنحب واني هذا أول حب أشوفه بحياتي مبني عالوهم شلون أبطل خوف من كلشي؟ اني بالفعل أتمناهم ينفصلون لأن العيشة وياهم سوا أسوء شي لكني أخااف أخاف من حياتي الجديدة وأخاف يصير شي بينهم أسوء من الطلاق.