अनिच्छामा जन्मिएका शिशुलाई वेवारिसे फालिदिने घटना मधेश प्रदेशमा बढ्दो छ। अशिक्षाका कारण छोरी जन्मदा परिवार खुशी नहुने, दाइजो दिनुपर्ने, भागि विवाह गर्दा प्रतिष्ठा गुम्ने डरले यस्तो घटना बढ्दो छ तर कुरितीको यो अध्यारोमा आशाको किरण पनि भेटिनछन् ! यी किरण हुन् ५३ वर्षीय सत्यनारायण महतो “आलोक” ! अविवाहित उनी विगत १५ वर्षदेखि मृत्युको मुखमा फालिएका शिशुहरुलाइ उद्धार गर्दै आएका छन् । उनले कसैलाई फोहोरको थुप्रो बाट त कतिलाई नालीबाट उद्धार गरेका छन् । उनी यी १३ सन्तानका बुवा हुन् । उनको घर अहिले कबिर अनाथ बाल आश्रम भनेर चिनिन्छ । प्रहरीले उद्धार गरेका यस्ता शिशुहरू पनि उनकै आश्रममा ल्याएर राखिन्छ । शिशुहरूको पालन पोषण र शिक्षामा लाग्ने खर्च जुटाउन उनी धार्मिक प्रवचन दिन्छन । मनकारीले आफ्नो विवाहोत्सव र जन्मोत्सवमा सहयोग गर्छन.. यसै बाट उनले १३ वटा बालबालिका हुर्काइरहेका छन् !

त्रेतायुगका राजा जनकले माटोमुनि भेटिएको भनिएकी सीतालाइ हुर्काएर पुजनीय बने। सीतालाई जानकी नामले पुजिन्छ।  सत्यनारायण पनि माटो र पानीमा भेटिएका यस्ता १३ जना छोराछोरीलाइ हुर्काइ रहेका छन्... बच्चा फ्याक्नु पर्ने विकृति रोक्ने दायित्वबाट विमुख समाज र सरकारलाई चुपचाप ऐना देखाइरहेका महतोलाई सबैले टुहुराका अभिभावक भनेर इज्जत गर्छन... जीवनको सबैभन्दा ठुलो खुसि यसैलाई ठान्छन्, महतो !

आफ्नो जन्मोत्सवको अवसरमा आफुले सकेको सहयोग गरि यो पुण्य काममा भागीदार हुन पाउँदा, आफुलाई निकै कृतार्थ र सौभाग्यशाली ठान्दछु। बेसहारा बालबालिकाहरूको पालनपोषणमा समर्पित उँहा जस्ता पुण्यात्माहरूको सत्कर्मबाट आज मेरो हृदय गहिरो रूपमा प्रभावित र प्रेरित भएको छ।

बाबुनानीहो... जीवनको अन्तिम सत्य नै निःस्वार्थ सेवा हो। सबैलाई यस मार्गमा हिँड्ने प्रेरणा मिलोस्।

।।। शुभं भवतु ।।।

यसपटकको जन्मदिन स्मरणयोग्य: कबिर अनाथ बाल आश्रम, जनकपुरधाम !!!