بخصوص الصور ال مش مظبوطة البتنزل

شباب ده صب جيم، اه معقول انك تنزل صورة جسمك عادي و تاخد اراء ايجابية عشان تحفزك و كدا، عادي و مفيش مشكلة و عاش، المشكلة بتحصل وقت ما ده بيتخذ منحنى تاني و تتصور ب ايحاء مش لطيف و يكون اعضاءك التحتانية هتطلع من الصورة و يجي واحد يكتب كومنت "عايز اشو**" و كومنتات بجد غريبة و ده مخالف ل كل حاجة، المفروض احنا مجتمع ايجابي بيشجع الرياضة و بيشجعوا بعض و زي ماقولت معنديش مشكلة تنزل صورة عادية ل جسمك و تاخد كومنتس ايجابية، او ترانسفورميشن حلوة تاخد عليها مديح، بس ياشباب ده مش صب لامؤاخذة نود*، ف محدش ينزل حاجات مش بتشوفها في يومك العادي و غير كدا الكومنتس برضو، لو تكرمتوا الكومنتس تكون في نطاق محترم، عارف ان ممكن يبان انها محبوكة بس فعلا الوضع تفاقم الفترة الاخيرة و انا شوفت صبات كتير زينا اتحولت لحرفيا صبات شقط بسبب الشغل ده.

اي حد هيعمل الكلام ده سواء ك كومنتس او بوستس فيه احتمالية انه يتبند نهائيا، و لو حد شاف حاجة جنسية او ايحاء ارجو يعمل ريبورت و هنبص عليهم.

محدش يقول مكنتش اعرف انه ايحاء و هكذا، احنا ناس عاقلين و اظن كلنا عارفين ايه الايحاءات الانا بتكلم عليها، ك قاعدة عامة انا زي ماقولت، لو حاجة بتشوفهاش في يومك متنزلهاش.