میرے بچپن کے دن، کتنے اچھے تھے دن  
آج بیٹھے بٹھائے کیوں یاد آ گئے

میرے بچھڑوں کو مجھ سے ملا دے کوئی  
میرا بچپن کسی مول لا دے کوئی

کتنی بے لوث تھی اپنی وہ دوستی  
کتنی معصوم تھی وہ ہنسی، وہ خوشی

جھومتے گاتے، ھنستے ہنسات  
اک دوجے پہ جان لٹاتے

کاش پھر وہ زمانے، دکھا دے کوئی  
میرا بچپن کسی مول لا دے کوئی

وہ گڑیوں کی شادی، وہ بچپن کی ریل  
یونہی سب مل کے اک گھر بنانے کا کھیل

کیسے سہانے دن تھے پرانے  
اک اک کھیل میں سو افسانے

سب کے سب وہ فسانے سنا دے کوئی  
میرا بچپن کسی مول لا دے کوئی

سبحان اللہ، کیا خوبصورت یادیں ہیں… وقت کس قدر بدل گیا ہے، سادگی سے نکل کر صارفیت اور مادّہ پرستی کی طرف۔ وہ دن کتنے پاکیزہ اور محبت سے بھرے ہوئے تھے، جو آج کی تیز رفتار دنیا میں کم ہی محسوس ہوتے ہیں۔ **اگر یہی ترقی کا مطلب ہے، تو بہتر ہے کہ ہم پرانے دنوں کی طرف لوٹ جائیں.**

