السلام عليكم ورحمة الله وبركاته،

أنا حالياً أسوي بحث قبل ما أطلق خدمة مخصّصة للمسافرين العرب اللي يجون ميونخ وألمانيا بشكل عام.

بحكم خبرتي الطويلة في مجال السياحة، وسنواتي اللي عشتها في ميونخ، لاحظت شغلة مهمّة:
كثير من الزوّار العرب يجون هنا وهم مو متأكدين أي فندق يناسبهم، أو كيف يرتّبون رحلتهم بطريقة مريحة.
واللي نعرفه إن مو كل فندق يناسب كل نوع من المسافرين — فيه عوائل، فيه عرسان، فيه اللي يحب الهدوء، وفيه اللي يبي فخامة، وفيه اللي يدور على الخصوصية… وكل واحد له احتياجه.

الخدمات اللي أقدّمها:

• اختيار الفندق المناسب للمسافر العربي حتى لو يحجز من Booking أو Expedia، أضمن له الخيار اللي يناسبه فعلًا.
• تنظيم خطة سفر كاملة مطاعم، فعاليات، الأماكن اللي تستاهل الزيارة، والأماكن اللي يفضّل يتجنبها.
• تأجير سيارات
• مترجم أو مرافق محلي عند الحاجة
• حجوزات المطاعم والفعاليات، تذاكر، واستقبال بالمطار

وبحكم إني عايش هنا فترة طويلة وأشتغل في مجال الفنادق، أعرف المدينة زين وأعرف وش يناسب الزائر العربي بالضبط. والخدمة راح تكون بعمولة بسيطة.

وش أبي منكم؟

أبغى أسمع منكم:

• وش أكثر شي يسبب لكم قلق قبل تسافروا؟
• وش الخدمات اللي لو حصلتوها تحسّون السفر صار أسهل؟
• كيف احصل زبائن (رأيك)

وأي أحد يحتاج مساعدة في ميونخ، يتواصل معي بأي وقت.

شكرًا لكم جميعًا.