question for the men

اغلب حياتي بتيجيني افكار و مشاعر زنخة شوي، بس كنت دايما خلص احلها لحالي و احسن نفسيتي لحالي. بس اخر فترة الوضع زنخ كثير كثير، وبصراحة حاسه اني محتاجة احكي مع حدا. ما عندي صاحبات قريبين افتح معهم قلبي، فالفكرة اللي براسي هي اني احكي مع اخواني، و الصراحة انا انسان بحبش افضفض للناس كثير، دايما بحاول افهم مشاعري لحالي بس اخر فترة بحس بدي توجيه من حدا كبير

همه طيبين وما بقصروا، و احسن منهم ما في. بس المشكلة اني عمري ما فتحت معهم مشاعري ولا ورجيتهم الجانب هاد مني دايما بضل احكيلهم اني تمام وماشي الحال، يعني بشكيلهم عن مشاعري بس بتكون ب شكل سطحي. وبرضه بخاف اثقل عليهم، خصوصا كل واحد فيهم عنده حياته ومشاكله و فرق العمر بيني و بينهم شوي كبير

فسؤالي للشباب هون، لو اختكم اجت عليكم وقالت انها عم تمر بظروف صعبة وبدها تحكي معكم كيف بتكون ردة فعلكم؟ بتحسوا بثقل؟ ولا بتحسوا انه شي طبيعي وبتنبسطوا انها وثقت فيكم؟ يعني بشكل عام، كيف بتحبوا تكون طريقة كلامها او فتحها للموضوع ؟ يعني مش عارفة كيف اروح احكيلهم هيك هيك، او كيف ابلش الموضوع، بدون ما احس اني عم بثقل عليهم، و الموضوع مش انه جلسة وحدة فضفضة، يعني بدي اياهم يتابعوا معي كل يوم

حابة افهم الموضوع من منظوركم كرجل واخ