عندي تروما، او مادري وش اسميها

أنا اتشارك غرفتي مع ٣ اشخاص، و أحد الاشخاص مشخص بالصرع من زمان وعلى الادويه. أنا على علم بالطبع ولكن ماقد كنت موجوده اثناء اي نوبة ، ايضًا للتنويه الشخص الثالث بيننا دوامه صباحي يعني غالبًا حنا الي سوا لحالنا نايمين. قبل ثلاث سنين تقريبًا في رمضان اثناء دراستي كنت نايمة وقمت والشخص الثالث يصيح يناديني اقوم للمساعده، لأن الشخص الثاني جته نوبة صرع. انا قمت بدون تردد و بغيت اطيح لان سريرنا طابقين وللحين ماقدر اتذكر كامل التفاصيل بسبب اني احسب انه حلم لاني ماستوعبت قمت مفجوعه وقمت احاول اساعد اقلب الشخص الثاني و نحاول نتدارك النوبة بقدر الامكان. بعدها الحمدلله صارت احسن بكثير وانا قعدت ماني مستوعبة لين امي شافتني وصفقتني على ظهري، اذكر اني طلعت السطح انشر هدومي و أجهشت بالبكاء بشكر هستيري وماقدرت اداوم و نمت بصعوبة. المشكلة الان: المشكلة بأن الشخص الي يعاني من الصرع سريرها يطلع صوت اذا تقلبت لانه خشب وانا من ذاك الوقت الى الان الصوت يروعني و ممكن اقعد واعية طول ما انا اسمع صوت السرير لين اتطمن انه لا فقط هي تعدل سدحتها. الموضوع ودي اتجاوزه بس ماني قادره منجد افز و اقوم مرتاعة خصوصًا انه مافي احد بالغرفة غالبًا الا أنا. احتاج حل منجد