هل عادي يتقال عليا بهرب ومش عاوز اتعامل بعد الرفض ؟ عاوز نصيحة مش اكثر او وجات نظر مختلفة

‎زميله ليا في جامعة وعارفين بعض كويس وانا كنت معجب بيها وقولتلها بس هي رفضت يوميها وقالت احنا صحاب بس وقتها قولت خلاص تمام بس وتاني يوم شوفتها وحاولت اتعامل عادي وبتسم بعدها قعدت بعيد وجت قالتلي كل حاجة تمام؟ وقولتلها أه عادي تمام وقالتلي مش حساك قولتلها عادي مفيش حاجة ومشيت

‎كان في تعامل ما بينا عادي بس انا كنت حاسس بأحساس مش مريح من جوايا يمكن الرجالة تفهمني ومكنتش عارف وجودي اصلا صح ولا غلط وكنت بتحط في مواقف كده بحسها مش مريحه ليا زي مثلا انها تسأل عن صحابي وتفضل بصالي بطريقة وكأنها بتجس نبض او تصرفاتها معايا والي كنت بدأت أحس بنوع من عدم التقدير او الاهتمام معرفش هل ده كان حقيقي فعلا وكانت دايما مع ناس تانيه ولا بسبب مشاعري نحييتها وبدأت اللاحظ انها بتعمل مسافة او بتحاول تبعد

‎فأنا قررت ابعد بسبب تراكمات وتعب كثير وعدت شهور في صمت وكلمتني واتس تقولي قلبت عليا ليه ومش عاوزه اخسرك كصاحب وقولت انه كنت محتاج ابعد شوية و مش مرتاح ده غير حاسس ببرود وقلة تقدير وقالتلي لو كنت شايف برود مني فأنا عملت كده لأني خوفت لتفتكر بحاجة من نحييتي من ساعة ما عرفت ايه من نحيتك و كانت مرتاحة معاك عادي وأنا كنت زعلانه منك اصلا بسبب موقف لما قعدت جنب بنت وسيبتني لوحدي ومقولتش عشان متفتكرش اني بغير مثلا وأنت بتهرب مني ومش عاوز تتعامل معايا لما بتشوفني

‎فضلنا نتكلم انا وهي وبقولها بس انت مكنتش مهتمه اصلا الفتره دي وقالتلي لو كن اتكلمنا يوميها مكناش وصلنا لكل ده و خلاص انا تعبت عمالين نعيد ونزيد في نفس الكلام وأنا حاسس انه مش باخد رد واضح او مهتمة ومركزة في الكلام وبدأت ترد متأخر مره في اليوم وقالتلي انها صعب تتعامل مع حد مكنش عاوز يتعامل معاها وانا اتقفلت اكثر و نهيت كلامي بأني ملاحظ انه في اختلافات وعدم توافق وانا زميلها في جامعة عادي وبس ومن ساعتها مردتش وبنشوف بعض بس محدش بيتعامل

‎انا مش فاهم يعني تقريبا كانت بتحاول تبعدني او تطفشني ودلوقتي بتحاسبني؟ ده غير هي رفضتني هي نسييت ده؟ يعني كانت مستنيه مني ايه؟ كل واحد باصص من منظوره