نفسي في therapy
نفسي مره اروح جلسات مع دكتور/ة معروف/ة
ويكونو منجد مبدعين يعني انا اشوف فديوهات دكاترة نفسانيين اجانب منجد اذكياء ومرات انبسط لكن ما احس انه العلاج موجه لي
وحقولكم حاجه مو شرط ابدااا انه نكون مرضى نفسيين او مكتئبين عادي جزء من اللايف ستايل زي مانعتني بجسمنا من ناحية فيزيكال يفترض اننا نعتني بمشاعرنا وحالاتنا النفسيه حتى لو حياتنا كانت مشاكلها بسيطه الحمدلله على كل حال اكيد دايما وابدا
بس لاحظت ماعندنا دكاتره نفس الاجانب منجد شطار لانها مهي ثقافه منتشره عندنا
لو تعرفوا منجد بجدة احد كويسس اكتبو اسمه
اعرف وحده قد راحت عند واحد ودفعت مبالغ بالنهاية افترض ماضي غير ماضيها تماما ومقتنع فيه ويقولها ذا سبب التروما وهي مره استغربت وجلست تضحك لان اللي قاله غلط تماما وسحبت عليه
وبعدين ليه المبالغ الهائلة ؟ على جلسه وحده اقل شي ٥٠٠
Posted Dec 10, 2025, 2:55 AM UTC