البنت اللي كنت عاوز اخطبها خلاص بتتجوز

اول ما استلمت فالشغل من شهور مكنش فيه دبلة فابديها وكانت بتسلم عليا بالاسم وتبتسم وتتكلم وتسأل فالشغل مع انها كانت ممكن تسال غيري ، افتكرت انها سنجل سألتها طلعت مخطوبة اتصدمت وزعلت جدا وخلاص قولت احنا زمايل ، وعدت الشهور ومنكرش اني اتعلقت اكيد بس فصلت التعلق دا بس النصيب بس كانت بتسأل مرة عن بروتين للجيم ومرة تسال عن حاجة تانية اسال ليها عليها ما تسألي خطيبك بتسألي الراجل اللي كان عاوز يخطبك ليه !!! انا مش ناقص فعلا ، وفجاة عرفت من حد تاني بالصدفة فلانة بتخلي من المكان قولت خلاص شكلها بتتجوز اتصدمت عارف ان دا نصيب ،، حسيت لوهلة روحي اتسحبت مني انا مش بتمنالها انها تفركش ولا الشر بتمنى الخير ليها بس مكنش له لازمة التعلق دا ولا كتر الكلام منها ولا ضحكتها ولا ابتسامتها خالص،،،ومستغرب ان اخر مرة فكلامنا مكنش فيه اي قبول داخلي خالص من عند ربنا ومش عاوز اقول نفور بس مستغرب ليه زعلان انها هتتجوز هل عقلي بيصورلي صورة عنها وجايز ملهاش صورة بيها هي شخصيا هل الفكرة هل القف كانت بايخة هل عشان اتعلقت فالاول بيها ماهي مكنتش لابسة اي دبلة ولا اعرف انها مخطوبة خلاص خلصت….