هل أنا جبانة

أنا كنت بمدرسة تعتبر خاصه (مدرستي تعتبر أقساطها قليله جدا جدا لأنها مدرسه تابعه لجمعية خيرية وهدفها الرئيسي تعليمي ولازم كل حدا يدخلها يقدم امتحان عشان يدخلها وهي مدرسة صارمه لأبعد الحدود بحكي هاد الإشي عشان تعرفوا إنها مش مدرسه هاي كلاس وما بحكي انجليزي بنص الحكي يعني عادي انسانية طبيعية من طبقه متوسطه ) وأول هاد الفصل نقلت على مدرسة حكوميه بمنطقه سيئة جدا صراحه وهاد مش حكيي هي هيك سمعتها بس كانت أحسن مدرسة من حولي والمدرسة الوحيده اللي لقيت فيها الحقل اللي بدي ياه (أنا أول ثانوي بس حكولي أنقل من هلأ عشان أتأقلم) المهم ما قدرت أتأقلم بأي شكل من الأشكال حاولت كتير بس صعب البنات أجوائهم غريبه وأخلاقهم سيئة مش كلهم أكيد ما بعمم بس اللي وقعوا معي شو أعمل، حاولت أحكي معهم أول إشي كانوا لطاف يحكوا معي بس ما بدهم يكونوا صحباتي يعني بس منحكي معك بين الحصص غير هيك لأ ،وبعدها صارت مشكله وصار بينا حزازيات وصاروا يسبوا ويحكوا شغلات بتخزي مع إنوا الموضوع ما بستاهل كل هاد غير إنوا أجوائهم وكلامهم غريب كل حكيهم إنهم بدهم يخلصوا مدرسة ويتزوجوا حرفيا وما بدرسوا كتير يعني لما آجي أحكي أنا ما درست اليوم بحسسوني إنوا عادي مع إنوا لأ أنا توجيهي بس مدرستي القديمه كلها دحيحه ومرة كنت بحكي معهم حكتلهم إني ما درست بهدلوني وحكولي يلا ادرسي وما بصير ،ولما لقيت ناس نفس جوي بالمدرسه طلعوا لئيمات فسحبت، وبالأخير حكيت الفصل الجاي بدي أرجع على مدرستي القديمه لأنه طفح الكيل من هاد الإشي هل أنا هيك متكبرة والحق علي وأنا ما عرفت أتأقلم ؟؟