القوالب المجتمعية وتصنيف الناس
مرحبا يا جماعة انا على ردت من شهر، بس بقرأ و بتابع الناس شو بتحكي. اللي مستغربه إنه أكثر النقاشات بتتمحور حول الدين الإلحاد مجتمع الميم وأغلب النقاشات حولين هاي المواضيع.
ملاحظتي مقسومة قسمين الأولى إنه بحس في مشكله عنا بترتيب الأوليات أو الاهتمامات، والله احنا عايشين بمجتمع زي الخرا و الأساسيات بالمجتمع مش موجودة، احنا لغاية قبل فترة صغيره كنا بنجوز البنت المغتصبه للي اغتصبها!
الملاحظة الثانية هي عن القوالب الاجتماعية فكرة انك جيي أو ترانس أو ملحد أو شو ما كنت هاد مش قالب انا بعرف حالي من خلاله، انا مش مهتم مع مين بتنام/بتنامي اخر الليل ولا مهتم لمين بتصلي. هاي قناعات شخصية لكل واحد والكل لازم يحترمها ويتقبلها كجزء من الشخص اللي قبالة، وما بصير نحكم عالشخص من هاي الناحية.
بتخيل الكل لازم يتقبل الكل، ولازم نعيد ترتيب أولوياتنا لانك ما رح تعرف تبني طابق ثاني اذا ما عندك أساسات.
واسف جدا عالاطاله
Posted Dec 11, 2025, 9:49 AM UTC