للبنات كيف تقررون انكم موافقين بعد الخطبه في الزواج التقليدي؟(وانتم ما تعرفون الرجال)

انا انخطب من يومني ادرس وماقد تشجعت اوافق مبدئيًا وتوصل للشوفه اواني اكلم الرجال اتاكد انه يناسبني قبل ارفضه، دايم الموضوع ينتهي بعد ما يكلمون امي، لكن الحين مع قرب تخرجي كثروا مره (وفريش توني رافضه واحد وهو الي خلاني اكتب هالبوست)

والحقيقه الي يجوني كويسين مره مره ووظايفهم كويسه واهلي يتحسفون لما ارفضهم، ما يضغطون علي ما يسالون عن الاسباب وتتسكر السالفه على طول بعد ما يفاتحوني بس مره يوضح لما يكون ودهم بالرجال

بس يخوف الموضوع يخوف مره كيف اني بتزوج احد ما اعرفه، يعني مره نزلت هنا وتواصلوا معي وبغيت اموت يوم حسيتها الصدقيه وانه ممكن يخطبني من ريدت حتى لو حسيت اني عرفته شوي

والصدق ما عندي مانع وودي اتزوج مره خصوصًا ان في بالي لو تزوجت صغيره ماراح استعجل عالانجاب واقدر انبسط انا وابو العيال كم سنه

وانا الصدق ما عندي ذيك الشروط بالرجل واحس اني سمحه، اتمنى راحه البال والهناء والسعاده بالزواج فقط، لكن هذا الي موترني كونه ظاهريًا رجل كويس مو بالاكيد بتكون حياتي الزوجيه سعيده وبنعرف نتعامل مع مشاكلنا الي بتجي ونتخطاها سوا بطريقه صحيه

مدري انا اهوجس واجد واضيع علي فرص ولا نظرتي للزواج خاطئه واحتاج اصلحها؟ والصدق ما عندي الطاقه الي اضيعها على معرفه الكترونيه تؤدي للزواج وما اظن ضميري الديني بيسمح لي اصلا، ومستبعده زواج الاقراب