عايز ادرس بكالريوس تانى و محتاج اعرف اعمل ايه؟

انا خريج نظم معلومات ادراية بتقدير جيد من معهد خاص (معترف بيه) و للأسف كنت دارس الشهادة دى عشان اخد الشهادة مش أكتر و مكنتش بدور اكتر فى اللى انا بعرفة انا اشتغلت السنوات اللى فاتت مابين شغل Web Design بسيط و كول سنتر انجلش و شغل IT بسيط و بعد بحث حبيت ان انا اشتغل فى هندسة Low Level بس للأسف انا محتاج ابقى كومبيوتر ساينس لأن فى حاجات كتير مدرستهاش و المفروض كمان اكمل لماسترز

انا 25 سنة و معايا المانى فى مستوى B1 و مكمل لحد B2 عشان كان نفسى اجرب ادرس فى المانيا من غير تدريب مهنى و الموضوع طلع معقد اكتر و التقدير بتاعى فى الشهادة عاملى مشاكل و الجامعات فى المانيا طلبوا منى على الأقل خبرة فى البرمجيات (مش شغل تصميم مواقع) فاللى قدامى دلوقتى انى ادرس بكالريوس او اعمل اى حاجه تخلينى اخد الحاجات بتاعة الكومبيوتر ساينس بشكل معتمد حتى لو هعادل و أتمنى لو اقدر اعمل GPA جديد

انا من اسكندرية و محتاج اعرف لو حد مر بظروفى أقدر اعمل ايه؟

و حاولت اكلم جامعة اسكندرية على الأرقام بتاعتهم اللى على الموقع بس محدش بيرد