الموقف ده حصل مع امي و حكتلي عشان قال يعني اتعظ

ما علينا كان يا مكان في قديم الزمان الست امي كانت راجعه من الكليه بليل و ركبت ميكروباص عادي

المهم ان كل اللي في الميكروباص نزلو و اتبقى هي مستنيه المحطه بتاعتها و كذا

ما علينا راح الراجل مشي بسرعه و اخدها في حته مقطوعه و نزل فتح الباب و قالها انتي عارفه انا ممكن اعمل فيكي ايه دلوقتي؟ و علي كلام ماما انها كانت بتعيط و كذا برضو

و بعدين قالها بس مش هعملك حاجه انا بس اخدتك هنا عشان اعلمك الدرس و انه لو آخر حد نزل من الميكروباص تنزلي وراه حتى لو لسه كتير علي معاد نزولك يا بنتي و الدنيا مبقاش فيها امان و الكلام ده و بعدين خدها وصلها مكان ما كانت نزله

طبعا ماما اتعلمت من الدرس بس الصراحه انا مش بنزل لو كل الناس نزلت برضو مستنيه اتخطف شبهها تقريبا و حقيقي احب أوجه رساله للراجل اللي عمل كده علي فكره حركه كخه ملهاش لازمه وجع القلب ده كان ممكن ينصحها و بس 😔🙏🏻