Nakarating kami sa PITX Terminal around 9:30AM as a chance passenger papuntang Masbate. First time lang namin dto sasakay. Kasama ko ang kapatid at tatay ko. Sa pagtatanong tanong, isang ahente ng PITX ang nagrefer sa amin 2nd floor - ticket booth 4. Doon nakausap namin yung mismong ahente ng Mega Bus line. Matandang nakasalamin, at naka polo shirt ng mismong kumpanya nila. 

Sa pakikipag usap, sinabi ko sa kanya na ang byahe namin ay papuntang Masbate o kahit pa Pio Duran, Albay at nilinaw na naghahanap kami ng bus na “Airconditioned” dahil sa kalayuan ng byahe na inaabot ng higit 12 hrs. 

“Dito sa Mega bus, meron kami airconditioned 1PM ang byahe”, sabi nya. Pero dahil nga masyadong matagal ang hihintayin bago ang byahe nila, kako magtitingin muna kami ng kapatid ko ng ibang bus lines. 

Sa Arandia Lines, merong byahe na airconditioned, pero 2PM pa. Mas matagal na hintayan. So, ekis. Sa Roro bus, merong 10:30AM, pero Ordinary bus lang, so ekis pa rin. Dahil dyan, balik kami kay Mega Bus line dahil mukang sila ang best option so far.

Nagkabayaran na. 1800 ang singil sa tatay ko, 1600 naman samin ng kapatid ko, parehong estudyante. Nung binigay ang resibo, ang nakalagay 1600, at dalawang 1400. Sa loob loob ko, sguro komisyon yun ng ahente kaya ganun ang singil, pero pinagkibit balikat ko nalang, basta maka secure na kami ng masasakyan.

After 4 hrs ng hintayan sa terminal at nandun na daw ang bus na sasakyan namin, dito na nagkanda leche leche ang lahat. WALANG AIRCONDITIONED BUS na Mega Bus line. Ang meron lang, isang ordinary bus na under daw ng Mega Bus line at yun daw ang nasa 1PM sched. Wala daw silang byahe ng airconditioned bus sa araw na yon. WTF!!!!!

Syempre hindi kami pumayag, ang binayaran namin pang aircon tapos isasakay kami sa ordinary. Kaya ka nga nagbayad ng premium para sa mas komportableng byahe e tapos ganon.

Balik kami don kay tatang na nag assist, sa ticket booth ng Mega Bus line at doon nagreklamo. Si tatang, di daw alam na hindi airconditioned ang bus nila na babyahe ng 1PM???!!!! Partida ang dami nila dun nung nagbabayaran kami habang inaassist ni tatang, nilinaw ko pa sa kanya na airconditioned bus ang hanap namin.

Ako na mismo ang nagreklamo dun sa katabi ni tatang na empleyado rin ng Mega Bus, kako nagbayad kami ng pag may aircon, bakit ordinary ang dumating???? Si tatang, ayon, humingi lang ng pasensya, hindi nya daw alam. How true???

Ang solusyon nila? FULL REFUND. So, pag finull refund mo yan, saan naman kami sasakay?? Sa carpet ni Alladdin? Wala na. Wala ng ibang options dahil inabot na ng 2PM at na delay pa sila nyan sa actual sched na 1PM nila. Ang tagal naming naghintay dun sa terminal tapos ganon lang bigla. 

Kailangan naming makauwi, wala na kaming ibang choice sa araw na yon dahil lahat ng bus pa Masbate, nakabyahe na. Ang 2nd option nila, refund ng ₱100 each para kagatin yung Ordinary bus. Walang choice, sumakay na kami sa ordinary bus, kahit labag sa loob, at tiniis ang mahabang byahe. 

Habang nasa byahe, pinagtagpi-tagpi ko ang sitwasyon:

\- Mahal na singil na pamasahe sa actual na nakalagay sa resibo. Na parang may buffer sila sa pag refund. Nung inabot samin ng konduktor yung refund, parang wala lang, na parang sanay sila sa ganong sistema. Walang pagpapasensya.

\- Delay ng isa’t kalahating oras versus actual na oras ng byahe. Wala ka ng ibang options na pwedeng masakyan, so mapipilitan ka na sumakay nalang sa bus nila.

\- At madidinig na reklamo ng kapwa pasahero namin sa bus na nag bayad daw sila ng airconditioned, pero sa ordinary din pinasakay.

Honest mistake nga ba, o Modus???

Kung meron lang kaming oras pa para magreklamo sa loob, gagawin talaga namin dahil hindi yon yung serbisyong binayaran namin. NO TO MEGA BUS LINE NA. 

Salamat sa pagbabasa ng rant na to’

Mega Bus Line - Going to Masbate Modus o honest mistake???