(هل ترضاها علي اختك؟)

بلاحظ ناس كتير بتقول الجملة دي للراجل لما تكون عايزة توصلّه فكرة ان اللي بيعمله مع البنات مينفعش (ايا كان اللي بيعمله دا ايه بيكلمهم عموما او بيبضن عليهم مش موضوعي)

الجملة دي مش برتاحلها لأسباب كتيرة وأولهم انها مجرد تلاعب علي العاطفة مش مبنية علي أي مبدأ منطقي، وكأن الراجل معندوش القدرة العقلية انه يحس او يفهم ان اللي بيعمله دا غلط غير لما تقربهاله وتربط الموضوع ببنت قريبة في حياته، فالموضوع دا مهين فشخ للراجل اكنك بتاخده علي قد عقله وبتبسطله الموضوع علشان عقله يستوعب

دا غير ان حجة زي دي في الأول وفي الاخر واقعة علي نقطة كتفم الشرف واللي هي ان المتوقع ان الراجل هيتعصب لما يفكر في اخته في السياق دا لمجرد انه هيقلل من شرف العيلة مش لانها حاجة غلط في حد ذاتها او انها ممكن تدخل البنت في مشاكل نفسية كتير او اي كلام من دا.... اهم حاجة الراجل وشرف عيلة الراجل