خايفه من تكوين الصداقات(فضفضه)

مقدر اكون صداقات اخاف من التقرب الزايد او اني اتكلم مع احد جديد ونتعمق

من بعد ما طلعت من تجربه سيئه مع صديقة العمر قلك

الي حرفيا نسيانها اصعب من الزوج لانها كانت اول صديقه اتعمق معها

لمن دخلت الثانوي ما اتكلم مع احد الا لمن يكلمني

وبعدين نقلت في سنتي الثانيه وما اعرف احد ابدا بس صار معاي قروب بسيط بسبب انهم كلهم جو من مدارس ثانيه ومحد يعرف له احد وجمعنا القدر

لكن خايفه اكمل على هذا الموال لين الجامعه

واعتقد اني شخصية تجنبيه

كل ما احد بين لي شي من التقرب اقوم اصده

هو كله بسبب احساسي انها خدعه ولا مجامله مدري معد فيه صداقة حقيقيه هذا الي مقتنع في مخي لكن قلبي العكس

وخذو التحديث الجديد

صرت اخترع سيناريوهات في مخي عن صديقاتي الحاليات وان هم ممكن يتركونك اليوم قبل بكره

وذا الشي خلاني اتوقعها منهم واحضر نفسي بحيث ما اتأثر

لكن والله يعور لمن اشوف الناس عندهم احد مفضل وعادي يمزحون ويطقطقون مع بعض انا ما ابي قروب ابي صديقة وحده تغنيني الناس كلهم بس خايفه اني اقدم على خطوه اعيد فيها نفس ندمي