Chat gbt صدمني عن حياة الرجالة المصريين (منشطات جنسية/الاستمناء/الاباحية)!! 😲🔞

٪ بوست لتوعية مهممم‼️ جماعة انا اتصدمت انا طلبت من شات جي بي تي يشوفلي ايه اكتر دول العالم بالترتيب اهتمام بصحة الجسدية والنفسية لاني بعمل بحث وجبلي عادي وكملت بحثي من مصادر تانية واتأكدت منه وبعدين سألته عن اكتر دول لياقه وكملت البحث وجبت الاسباب فجأة كدا دخلت عن السلبيات وجبت مين اقل الدول وعي بالصحة الجسدية وضعف القدرات الجنسية اول الدول في العالم وبكل جدارة مصر جابلي ضعف انتصاب وضعف قدرة جنسية وانعدام لياقة بدنية وانعدام صحة وحاجه ف منتهى القرف انا ك واحده بحب مصر جدا لنخاع وبتحرق على شعبي اتعصبت اووي دلوقتي الناس اللي بتعمل ابحاث من برا هتلاقي حالات دي المشكله في دول فقيرة وحالتها اصعب من مصر والصحه احسن والصحه الجنسية افضل بكتير!! لقيت الاسباب انه اصلا مصر اكتر دول العالم اللي عندهم سكر اللي هو اصلا السكر مدخل كل الامراض السبب بقى النشويات والزيوت المهدرجه الاكل المقلي السكر والحلويات دا عدد البشر اقسم بالله امراض وقرف وتوتر وعصبية بطلوهم بطريقة صح بالتدريج، مكرونة وبذاات عيش ابيض ودقيق ابيض دا كااارثة يا جماعه وكمان التدخين لما انواعه عالي جدا وبيضعف القدرة الجنسية بشكل سريع وقال الرجالة المصريه لياقتهم ضعيفه ودهون البطن الحشوية عالي ودي اخطر من الدهون تحت الجلد لانها بتجيب القلب وامراض خطيرة ومصررر كلها بقى عندهم نقص مزمن في فيتامين دال اللي هو اصلا هرمون النشاط والسعادة والحيوية اه عندنا شمس حلوة ومش عارفين نستغلها اصلا شمس الضهر دي لحد بعد العصر سيئة الشمس الصحية من 8 الصبح لحد 11 وشمس قبل الغروب ونتعرضلها بجسم مكشوف مباشرة مش من شباك!!

السهر ولخبطة النوم مبروك تستوستيرون متلخبط ونازل واستروجين بيعلى عند حضرتك يعني مش هتبقى عندك قدرات الراجل وجسمك بينهار النوم من 9 ل 11 حلو صحيان من 6 ل 8 وفي ناس ماشية بنظام السُنة ودا ممتاز انام بعد العشا اصحى لصلاة العصر دا ممتااااز ممتاز للي متاح له وفي مشروبات تردي الاعصاب لانه الشعب المصري بطبيعته عصبي شاي اخضر اول ما تصحى والبابونج ممتاز يهدي الاعصاب قبل النوم وبيريح ومتاح في كل مكان وممكن يااريت مكمل غذائي مغنيسيوم ممتاز للاعصاب وبيعدل المزاج وبيهدي التشنجات وبديله الطبيعي مشروب كاكاو خام✨ وخدوا بالكم بتسمروا من اشعة الشمس الضارة دي اما الشمس الصحية اللي ذكرتها دي مش بتسمر ومش بضر

الرياضة يا جماعه ثم الرياضه الكرش دا بيهبط التستوستيرون ويضعف انتصاب سرعة قذف ودا جاي من التوتر والعصبية عمر الانتصاب ما هييجي طبيعي طالما في دهون البطن الحشوية دي ودي بتعرفها لما مبتعرفش تمسك دهونك بأيدك وبتبقى متماسكه رياضة هتبقى ممتازة لو 3 مرات جيم اسبوعي حلو اوي وتظبط مع الكوتش للي مش فاضي يقدر يمشي نص ساعه مشي سريع حبه الصبح وعلى اخر النهار اعملها 2×1 امشي في شمس الاوقات الصحية اللي ذكرتها سابقا واتمشى حلو جدا، في البيت ممكن تمارين سكوات، كارديو، بلانك وفي حاجه ممتازة اللي هي القفز بتمرن عضلات الجسم كله كمان

النقطه المهمه والاهمممم واللي هحذر منها المنشطات الجنسية كارثة صحيه كل لما تاخدها اكتر كل لما هتحتاجها اكتر العضو مش هيرجع ينتصب ويشتغل طبيعي كااارثه يا جماعه كارثه مش بتصلح نهائي بتديك انتصاب مؤقت وهتفتضل تشتري وتستهلك وفي نفس الدوامة وهترمي فلوسك على الارض بينما انت ممكن تبقى راجل طبيعي وصحي وتعدل سلوكك وتاكل اكل صحي ومشويات بدال مقليات تبطل نشويات مكرونه واي حاجه بدقيق ابيض وتقطع السكر الصناعي وتاكل فواكه وخضروات ولحمة وفراخ وسمك كلهم مشويين او مسلوقيين او في الاير فراير حلو وتنام في اوقات صح تلعب رياضه باي طريقه متاحالك وتتعرض لشمس صحية بدال ما مصر كلها عندها نقص فيتامين دال مزمن بس للأسف الرجالة بتستسهل يلا اشتري منشط واشتغل وافضل منتصب لوقت اطوال سرعة القذف وضعف الانتصاب علشان يرجعوا طبيعين ويرجعولك صحتك بالخطوات السابقة بس غير كدا المنشطات هدمرك!!

الكبت والقمع العصبي بيزودوا التوتر والعصبية وعمره ما الانتصاب هيشتغل بيولوجي طبيعي من غير هدوء وروقان التنفس مهمممم شهيق 4 ثواني وزفير اطول 6 ثواني اتنفس بعمق طول الوقت هتهدى التوتر هيروح هتكسب صحتك ومزاجك حقيقي وشرب المايه باستمرار وكمان دوش ساخن بيهدي الاعصاب يساعد لنوم دوش ساقع ينشط الاعصاب ويعزز النشاط والعضلات

معلومة مهمه لعلمك ايه منظر زوجتك ليك وهي شايفك شغال تشتري منشطات علشان تستعيد قدرتك ك راجل قدامها صدقني خناقات وهتبطل تنظرلك بإعجاب وفخر وواحده واحده هتنزل من نظرها وهتكره العلاقه اللي قايمه على منشط معاك وايه منظرك قدامها وانت بضيع فلوسك علشان حاجه مؤقته هتحس انها اتخدعت فيك هي مش هتقول كدا بس دا شعورها خد بقى مشاكل زوجيه مفيش سعادة نفور خناقات خيانة طلاق خراب بيوت العلاقه بينكم حاجه مقدسة مذكورة في القرآن والجنس ليه دور قوي في العلاقه ثانيا الستات والبنات مش بيحبوا ابو كرش خالص الحمد لله بدأت اشوف تقدم في الشباب الجين زي بيلعبوا رياضة وبيهتموا بالفرمة وحاجه واضحة ف دا تقدم هايل الكرش هو مضر ليك ولشريكتك الاعجاب الجسدي مهم في العلاقه زي ما انت عايز جسمها 123 هي عايزاك كدا بردو ف نهتم بالجانب دا يا جماعه

الكبت الجنسي وعدم الثقافة بالنقط دي كارثة لازم تتعامل مع الجانب دا وتهتم بي الجانب دا كان في مجتمعنا عيب بس لا دا حاجه مهمه ومطالب الاهتمام بيها في مجتمعنا تلاقي الواحد رغبته وافكاره واحتياجه الجنسي عالي بس قدرته معدومة من 30 سنة فاكثر ليه كدا بس محتاجين وعي اكتر واهتمام مع العلم الرياضه والنشاط بيفرغ جزء كبير وبيهليك عن انك تبقى عندك هوس بالجنس والرغبة بالذات لو مش متزوج مش. محتاجه اتكلم انه الاباحية حرام بس انا بتكلم من منظور علمي هنا بدمرلك مراكز المتعه ف دماغك بتخليك تفقد لذة الحياة الواقعية الصحية كله افيكت وايديت وحاجات مش حقيقية بتخليك تحس علاقتك مع شريك حياتك مملة ومش زيها بترفع صقف توقعات كذابة عندك نصيحه متقعدش مع نفسك اقعد مع اهلك اشغل وقتك بعادات صحية وشغل والرياضه بتفرغ طاقتك عادي بلاااش جلد ذات لو وقعت في الاستمناء اهدا واتنفس ودا طبيعي في المراهقه اتعلم من غلطك بلاااش كره ذات بعد الذنب دا اسكيب دا استفغر والتزم بصلاتك وتوكل على الله من قلبك والدنيا هتتحل جلد ذات بيجيب توتر ويوقف حياتك وافتكر معظم الناس بيقعوا في الغلط دا في وقت من الاوقات المراهقه والخلوة بتعمل كدا بتخلي افكارك تيجي فجأة ف اشغللل نفسك مع صحابك مع اهلك اهم حاجة اقطع الاباحية نهائيا وفي برامج حظر تام وابليكشنز بتحظر المواقع دي ودا مش صحي وبيضر دماغك وانت مش حاسس ودا سبب شغفك مش بيجي في الاوقات العادية والنشاطات اللي كلنا بنحبها وبنستمتع بيها وساعات دوش مايه ساقع بيقلل الرغبة

والقرآن تشغله بصوت حد هادي في البيت في المواصلات وانت بتتمشى في موجات هادية بتهدي العصبية والتوتر وبتريح النفسية💫

البوست دا لتوعية نزلته لتوعية شباب ورجالة وطني وفي طبعاً ناس ملتزمين بكل دا ويعرفوا جزاهم الله كل خير انا بس محتاجه انشر الوعي واعدل مننا وعن الفكرة اللي اتاخدت عننا وبقت منتشرة عننا بسوء والاهمال انا مقهورة لدرجة اللي وصلنالها واتمنى اكون افدتكم بكلامي بجد واهم حاجه اللي مش مهتم بصحته ولياقته يفوق قدامك فرصة تقدر تعيش حياة صحية سعيدة من عمرك بدال ما تعيشهم مرض ومستشفى بعدين جسدك نعمة ربنا ادهالك تحافظ عليها وهتتحاسب وهتتسأل تخيل كل يوم محافظة على نعمة فيها حسنات ليك وحياة اريح ليك يا بطل 🤍✨