بنات بقول موقف قد صار لي قبل التخرج وقولولي لو كنتو مكاني وش كنتو بتسوون

انا مدرستي كانت تقريبا سبعه ادوار وكان فيها مصعدين مصعد افراد ومصعد مجموعه يوسع ناس كثير

بعد الفسحه انا وقفت عند مصعد الافراد انتظره من اول مادق الجرس يديني بجيبي و اطالع فوق اشوف متى بيوصل المهم البنات بداو يرجعون من الفسحه ويروحون عند المصاعد وجت بنت وقفت جنبي مره هي وحده قصيره وصوتها عالي ومن النوع الي لو قلتي لها ا تتحسس وتشد شعرك وتسوي مصيبه

بعدين لانها قريبه انا وخرت شوي بالنهايه عادي يعني المصعد يكفي ثلاثه اشخاص بعدين جت صديقتها الثانيه لصقت نفسها بيني وبين البنت الي حطيت بيننا مسافه و اضطريت ابعد اكثر وبعدين جو صديقاتها وتجمعو على المصعد الين حرفيا ماصدو عني المصعد كامل ماكتت اقدر حتى اقول لو سمحتي او شي هم مجموعه متنمرات ولو حرفيا قلت شي بيهجمون علي

مو لاني ضعيفه بس يعني الحركه اساسا بايخه وقفت مكاني ونا كنت ابحلق فيهم لمده سته دقايق قبل ما امشي مصعد المجموعه المهم ونا طالعه شفت استاذه ساده مصعد الافراد برجلها عشان محد يستخدمه وذولاك الهطوف تحت باقي ينتظرون

الموقف دوبي اتذكره لو اقيم نسبه حقدي للحين بقول ٢٪؜ حتى لو مادريت ان المصعد موقف الصراحه هم واضح حساسات وينثارون من اي موقف بسيط

كمان الشخص الضعيف مايقدر يواجهك لحاله، عشان كذا يسوون مجموعه من الضعفاء وهم مع بعض صارو قوه