مولانا صاحب السمو

#مذكرات_دكتور فيه حاجات بتستفزك في حياتك و ملهاش علاج للأسف المفترض اني عايش حالياً مع أهلي، عندي شقة صغيرة المهم انا بروح الشقة دي بتاع يومين تلاتة في الاسبوع كله و الباقي شغلي كله نبطشيات والدتي اول ما اطلع من الشقة تطلع تعمل حاجتين لا ثالث لهما تفتح كل الشبابيك ، علشان الشقة تتهوى، طب يا ست الكل، انا كدة كدة مكان الشفاط في المطبخ متشال، كدة كدة الشقة هتتهوى، لأ تفتح الشبابيك كلها، الي ع المنور، و الي في الاوضة و الي ع الشارع، النتيجة باجي ادخل الشقة بعد يومين تلاتة بلاقيها ثلج !!! ... الحاجة التانية اوقات ببقى سايب الكمبيوتر او الابتوب شغال بيحمل حاجة اول حاجة تعملها، تدخل تشيل كل الفيش ماعدا فيشة والراوتر (علشان النت ميفصلش عند أخويا) و تطفي كل النور و تشغل قرآن على راديو صغير ... طب سبب كل ده ايه علشان الشقة متتسكنش بالجن و العفاريت تتهوى علشان الريحة متلزقش فيها و تشغل قرآن علشان تبعد الجن و تطفي اي جهاز متوصل بالكهرباء علشان ميستهلكش كهرباء و علشان ميعملش قفلة ... وصلت لمرحلة اني مرة حطيت بلاستر على الشبابيك، برده اسبوعين و بعدها شالت البلاستر و فتحت الشبابيك ... احساس حلو انك تدخل الشقة تلاقيها غرفة من القطب الشمالي
2026-01-17T17:25:24.000Z