فرصة تدريب تمهير في ادارة المشاريع او تحليل البيانات افضل؟

جاتني فرصتين تدريب تمهير واحتاج خبرات ووجهات نظر من داخل سوق العمل، انا خريجة معلوماتية صحية وعندي تدريب في المعلوماتية الحيوية (تحليل البيانات البيولوجية) بجامعة عالمية معروفة ومهاراتي التقنية كويسة لكن مستواي بالشغل متوسط لان ما اشتغلت على مشاريع كثير في المجال واحتاج مكان امارس واخذ تحدي اني اتعلم بالعمل، خصوصًا اني مقدمة على ماستر في المعلوماتية الحيوية..

من ناحية اخرى ادارة المشاريع بالنسبة لي ممتعة جدا، عندي شهادة قوقل لادارة المشاريع ومن وقت دراستي بالجامعة اشتغلت على عدة مشاريع وطبقت فيها أسس ومبادئ المجال، المهام بشكل عام احسها comes natural in me وابدًا مو ثقيلة علي، لكن ماعندي خبرة واضحة بمسمى اخصائي ادارة المشاريع تأهلني اني ابدأ اشتغل في المجال.

الفرص الاولى كمحلل بيانات جاتني في مختبر معروف جدًا في قسم R&D, قالت لي ماعندي حاليًا مشروع واضح لكن راح تجي مع الوقت والمشرفة هي الي اتواصلت معي بعد ما شافت السي ڤي منبهرة، اشوف الفرصة ممتازة تدخلني في عالم الابحاث وفرصة توظيف موجودة وتأهلني اشتغل في الشركات الصحية التقنية وهذا هدفي الاسمى..

الفرصة الثانية كأخصائي ادارة مشاريع جاتني في تجمع صحي، واضح قسم PMO شوي جديد وعندهم ضغط كبير فـ راح يعطوني امسك مهام كبيرة خصوصًا انهم شغالين على مشاريع التحول في قطاع الصحة، وهذا شي جدًا ايجابي وقوي لو منجد مسك مهام كويسة راح يفيدني كثيير في السي ڤي وبرضو يأهلني اشتغل في الشركات الصحية التقنية.

هذا كل الي في بالي من معلومات تساعدكم تعطوني نصائح من وجهه نظركم اي مجال تحسون فرصي في افضل وما اضيع تدريب عالفاضي لان السي في عندي ملياااان تدريب في جهتين صحية من قبل، واذا عندكم اي اسئلة عن تفاصيل ثانيه جاهزة اجاوب بس ساعدوني اقرر بين مجال اتحدى نفسي فيه ومجال استمتع فيه🥲