موقف أبي استشارتكم

بنت خالي ولدت امس بعمليه ، وامي تقول بروح لها اليوم او بكره وقلت بجي معك تخيلو بنات امي ماتبي تكلم البنت اول انها بتجي وولا تبي تكلم الام وولا احد تبي تجيهم كذا فجاءه تكلمهم وهي طالعه اي مستشفى اي غرفه وتطب عليهم فجاءه قلت لها يا امي مايصلح البنت والده بعمليه يمكن ماتبغا تستقبل احد يمكن تعبانه يمكن ندخل وهي تتروش وهي بالحمام وهي مب جاهزه وهي تقول لا هذي بنتنا وبجيها بدون ما اكلم احد وما ابي اكلم احد وهي مجهزه للولاده هذي من شهور والكل يدري والوالدات بالمستشفى تفك الباب وتنتظر يجون يزورونها

وش اسوي الحين اروح معها ولا ما اروح وارسل للبنت هديتها وخلاص؟ تخيلو حتى الهديه تقول باقه ورد فيها فلوس وبس لا تجيبين هديه مب رسميه