وش اللي يخلي البنت تطلع؟

## ٣ نقاط عن الزواج في بوست واحد:

اتمنى الاجابه على كل الفقرات وشكرا

- وش اللي يخلي البنت تطلع من بيت والداها اللي راتبه غالبا فوق ال ٤٠ ومكون نفسه ويدلعها إلى شخص راتبه اقل من ربع راتب ابوها وتتزوجه؟

- هل في بنات تتزوج في المرحله الثانويه؟ انا عمري ١٩ دخلت تدرج وظيفي وتخرجت براتب تقريبا ٨ لكن مع البدلات يوصل اكثر من ١٠ الاف. والبنات بالعاده تبغى فرق في العمر يعني الي في عمري خريجة ثانوي ما بتقبل تتزوجني

- ما عندي اي رغبه عاطفيه ولا رغبة اكلم بنات ولا كلمت بنت غريبه في حياتي. هدفي الوحيد من الزواج هو الاستمتاع بالزواج مع الزوجه سفر وفله في أول العشرينات و الإنجاب في منتصف العشرينات. ما اعرف شي اسمه رومنسيه واعرف ان ذا الشي يهم البنات اكثر من العلاقه نفسها لكن ما ادري انا كذا ما عندي مشاعر وابغا اغير ذا الشي. كيف؟

اول ما توظفت بدأو الأهل بالكلام عن الزواج والصراحه متخوف من ذا الشي مسؤولية كبيره وما عندي معرفه كبيره عن المرأة واحتياجتها وكيف اتعامل معها وكيف اتعامل مع الأطفال والتربيه.