اسعار الذهب..و تأثيرها على الزواج

توني كنت أفكر بموضوع الذهب للأعراس.. أحس الذهب بيؤثر على موضوع الزواج بشكل مخيف.. صح انه من عاداتنا و تقاليدنا لكن هل سعر الذهب الحالي بيسمح انه يبقى من عاداتنا و تقاليدنا؟ ولا خلاص يعني عشان العادات و التقاليد إذا لم تستوفى شروطها ما نتزوج؟

مع ارتفاع مستويات المعيشة.. الرواتب ما ارتفعت. كيف إلى الان توقعات الزواج ما تغيرت؟؟ الاهالي وايد مصعبين الامور لدرجة انه إذا ما قدر الريال يوفر هاي المعايير ما نقبل فيه.

أنا كبنت.. أشوف انه مال زوجي مالي.. طبعا ماحب نصرف مئات الآلاف على معازيم و هدايا و و و و إذا هي مب مطلوبة مننا غير انها كماليات من العادات و التقاليد اللي اغلبها دخيلة علينا كعرب! الشيخ زايد الله يرحمه بعد قال انه البنت الزواج مودة ورحمة، مو تجارة.

والبنت اللي تدور المال بس، والريال اللي يدور الجمال بس، الاثنين غلطانين.

متى مجتمعنا انحرف عن هالشي؟

العرس هو موضوع إعلان الزواج. يعني لو كان بس عشى يسد الواجب الشرعي و انتهى الموضوع.