هموت اعرف اخرته ايه

مش هطول عليكوا عندي ٣٢ و سنجل و بشتغل اتش ار في شهر ٤ اللي فات دخلت شركة جديدة و ملفتش نظري حد غير واحد لقيته بيتعمد يركز معايا و يعمل eye contact معايا اوي و انا في الاول كنت بهرب من عينيه عشان مش عايزة اتعلق بوهم لانه فعلا لو فيه حاجة هييجي يتكلم guess what بعد شهر لقيتني بفكر فيه بحب ابصله و اعمل معاه eye contact و اتوتر في وجوده و اتلغبط في الكلام و بفكر فيه كتير . لدرجة اني بقيت stalk عليه و اراقب البروفايلات بتاعته و اعرف عنه معلومات و اكتر حاجة صدمتني انه من ضمن الاسماء اللي لقيتها متسجلاله علي get contact فلان اللي متزوج مغربية فاتصدمت حسيت انه متجوز و بيلعب بس بعد كدة عرفت انه سنجل فواضح انه انفصل عدت مواقف كتير فيها تركيز و بنهرب من بعض و يتعامل مع كل البنات و بيضحك و ييجي انا يعاملني جد و كنت ساعات بحس انه بيتهته في الكلام و بيتوتر زيي و في اوقات كان يشوفني جاية لمكان هو فيه بالصدفة فيمشي هو من المكان دة . المشكلة فيا انا اني بفكر فيه كتير و بتخيلني و انا بكلمه و بضحك معاه و بهزر و حلمت بيه مرتين و انا نايمة انه نفسه ييجي يتكلم و مش عارف . انا عارفة اني كبرت علي جو النظرات و المراهقة دة بس مش قادرة اوقف تفكيري عنه خصوصا انه عاجبني بس حتي الكلام بينا قليل جدا . ملحوظة هو عنده ٣٢ سنة و سنجل و في قسم تاني غير الاتش ار هو في الاوبريشنز و مستواه كويس .