صعقة الوظيفة الأولى.

اهلًا،

أنا موظفة جديدة صار لي شهر وهذي أول وظيفة لي، شغلي يعتمد على شغل موظفين كثير غيري.. فأضطر اتبع معاهم واسأل وأطلبهم وو.

هذا من غير كمية اسئلة اللي كيف وليه لأني مستجدة.

وقبلها القاني لا إرادي اعتذر عن الازعاج (ومعلييش قروشتك واعذرنا وو)

حاسة بإرهاق نفسي وشعور النشبه مع أن الناس ودوده بس أحس طالت، صار الدوام ثقييل واجلس ساعتين أحوس بالشغلة قبل ما أفكر اسأل، ولهالسبب يضيع يومي واضطر أجلس ساعات زيادة عشان أخلص شغلي.

أحس صادمه بجدار مدري وش أبجديات العمل وأبجديات التواصل.. كل شوي ألقاني اسأل شيء بديهي وأغلط بشيء تافه.

أتفهم جدًا أن كل اللي يحصل لي طبيعي.. بس كيف أخفف من حدة الأمر نفسيًا ؟

هل فيه شيء ساعدكم تتكيفون وتتعلمون التواصل والمهنية في العمل ؟