التعلق

السلام عليكم، انا بالمختصر دائمًا عندي شخص اتعلق فيه، مو شرط اني اخسره، بس اتوقع انه مو شي صحي اني اكون كذا، المسألة مو تدم تقبل للذات لا بس اي شخص اصير اسولف معه تجيني فترة زي الhyper fixation ويصير دايم ببالي واصير حتى افكاري الداخلية اتخيل اني اتشاركها مع ذا الشخص.

يعني في غالب الاوقات يصير صوتي الداخلي (دايم يسولف) يتكلم مع هذا الشخص، حتى لو اننا ما نتكلم مرة بالواقع، طبعًا كان الموضوع تمام وطبيعي الى ان وبدافع الفضول جربت ابعد عن شخص لي متعلقة فيه مدة اطول من غيره (بالعادة خلاص فترة ونبعد عن بعض لاني امل) والي اكتشفته ان بعدي عن هذا الشخص فعليًا دمرني، يعني قعدت اسبوع، بس حرفيًا ما كنت قادرة لا اكل ولا انام ولا حتى اتكلم مع احد او اركز على شي، وكل نص ساعة تقريبا ابكي وانتحب، فاستوعبت المشكلة الي انا فيها، وبالمناسبة— هذا الشخص ابدًا مو سيء، ولا مر يوم اذاني فيه.

بس "احبب من شئت فإنك مفارقه" والفراق بيدمرني، تقدرون تساعدوني افهم الاسباب وحلول؟

بالمناسبة، انا ما عندي اي مشاكل ولله الحمد مع اهلي، اقدر اقول اننا كلوز مرة