5am nagsimula yung ride. 7 lang kme na pinoy tapos lahat puro ibang lahi na. Nasa 50+ siguro lahat ng kasali. Dalawa yung option, isang 150km, isang 299km. Sabay-sabay na yan. 2x loop lng gagawin ng 299km. 

Umaga pa lng nalaglag na agad yung dalawang pinoy. 5 na lang kame narita. Nung una sa likod kme nakapwesto. Kaso hirap ng mga kasabay sa likod. Mga makukulit tapos hindi marung kumalit sa peloton. Kaya lumipat kame sa gitna.

Minalas nga din kme. 3 kme na pinoy nalubak. Laglag ilaw nung  isa. Ako nman bali yung computer mount. Di na kme tumigil. Hawak ko yung bike computer ko para di nka-laylay. Di ko matanggal yung lanyard sa handlebar dahil mabilis yung takbo at maraming surprise sa kalsada. After 10km ko pa natanggal at naibulsa. 

1st stop nmin 15mins break. Nagdasal yung mga kapatid natin na Muslim. Tapos larga na uli. 2nd break sa 120km na. Tapos nyan humiwalay na yung mga 299km. Di talaga ko nagpabudol na sumama. Kahit 9am dito mahapdi na yung init. Kung 299km ang pinakamaagang tapos nyan 3pm na ng hapon. Yung 2 pinoy ayaw paawat at sumama sa 299. Kaming 3 150km na lng talaga.  

Last 15km group na lng namin ng 150km natira. May nag-sprint sa arko. Nagulo yung peloton. Ang masama nyan, napasama ko sa breakaway. 4 na ibang lahi tpos mag-isa ko na pinoy. After 5km na 50kph ang takbo kumalas na ko. Wala nman podium dahil lahat nman may medal. Hinintay ko yung mga naiwan tapos kapit na lng hanggang matapos.

Di nman ako nakakasabay sa mga malalakas na cyclists dito. Masaya lang dahil kahit 45yo na tayo, nakakapag-bike pa din at nakakasabay sa mga bata.

Saudi Founding Day Ride