مفيش عنوان مناسب

في المواصلات بتاعتي بنزل في مكان مقطوع شوية هو طريق سريع كله تريلات ونقل وكدا وبعدي الشارع عشان اركب ميكروباص تاني يوصلني و وقفلي ميكروباص وقالي تعالي قدام مفيش مكان ورا وكان معايا راجل تاني بس قاله لا مفيش مكان ومشي بالصدفة ببص ورا ملقتش حد خالص وانا دماغي بقا اكيد هيخطفني مفيش حد ورا وهو قال مفيش مكان ورا ومرضيش يركب الراجل التاني وخايفة اقوله ينزلني يكتشف اني عرفت ان هو عاوز يخطفني والمكان مقطوع شوية وكنت هعيط هو اتوقع لاحظ توتري وقالي معايا بضاعة على الارض مينفعش حد يركب ورا لياخد حاجة كدا ولا كدا وشغل قرآن فالحمد لله طلع طيب ومخطفنيش