شعور غريب

فجئه توي قمت من السرير عشان اروح لدورة المياه لكن بنص الطريق استوعبت شي ، اني شخص عايش لحاله بالغربه وبعيد عن اهله مثل ماكان يبي ومثل ماكان يقول يوم كان صغير هل الآن الطفل الصغير اللي بداخلي هدأ ؟

ايه هل فعلاً ارتاح ؟ ايه

هل فعلاً الموضوع مريح ؟ ايه

ما اكره اهلي لكن ما احب الأزعاج واميل للإنعزال والهدوء اذا ماكان فيه شخص متفهم ويفهم لكن قعدت اطالع بغرفتي وجدرانها واستغربت وكأني ادركت الوضع اللي انا فيه..

دخلت دورة المياه وقعدت اطالع بالمرايه واشوف شخص فيها مشتت قعد اقلب بوجهه يمين ويسار واحاول اعدل شكله واحاول استوعب ان ذا انا وذي حياتي ، مافهمت وش الشي الغريب ذا اللي قاعد اسويه وليش كذا بس اني مرتاح بحياتي حالياً ولو ان فيها اشياء كبيره من اهداف واحلام لكن بإذن الله بتتحقق مثل ماتحققت غيرها واللي ماتحقق منها نقول الحمدلله ونشوف مسار ثاني للهدف والله مستعان

مدري وش الهدف من البوست او مني لكن ليكُن وصف لمشاعر داخلية حسيه عميقه