الانت7ار

لما بشوف حد يرغب بالانتحار. اول حاجة بتيجي في بالي هي ايه نوع الcrisis الي خلته يوصل للمرحلة دي

هل في ناس بتنتحر أنانية ؟ اه فيه.

بس الفكرة أنه معظم الوقت المنتحر ده حاول مرة واتنين وتلاته أنه يعيش، هو مشافش حاجة حلوة في حياته بقاله مدة طويلة فشخ لدرجة أنه عقله اقتنع أن ده شكل حياته الدائم.

ف انت كده لو مسلم نظام الحياة ده حتما هيدخلك النار لو متغيرش(الي زي ما قولنا انت كمنتحر حاسس أنه مش هيتغير ابدا)

ف بتبقى دي الاوبشنز المتاحة:

تعيش وتتعذب لكن تحاول وغالبا تدخل النار(من نظر المنتحر)

أو تقتل نفسك وتريح نفسك من عذاب الدنيا على الاقل لو عذاب الاآخرة كده كده جاي

المهم أنه المنتحر فاهم أنه مخه قاعد بيلعب عليه، فاهم أنه مخه بيقنعه ب افكار مش حقيقية.

بس بمجرد ما تجيلك suicidal trigger هتلاقي نفسك مش قادر تعمل حاجة غير انك تنتحر وتنهي حياتك

انت اصلا مش في عقلك. انت شغال على autopilot بعد ما عقلك اللا واعي اقتنع انك لازم تموت في اقرب وقت

وده الي خلى بعض الشيوخ يقولوا أن احنا ملناش أننا نقول على المنتحر كافر او في النار، لأنه ممكن جدا يكون عنده خلل عقلي، ممكن في اللحظة بتاعت الانتحار دي، شئ مكانش صح، هو مكانش فايق، الخ.

ف لما نشوف حد عايز ينتحر، بلاش نقوله أن ده شطئ أناني أو اتنشن لأنه هيزود الموضوع، حاولوا تطمنوه، قولوله الدنيا مسيرها هتتحسن، قولو له أسباب تخليه يقتنع أن الدنيا ممكن تتحسن.

لكن لما تتهمه أو تحسسه انك فتحت معاه تحقيق، هيغرق اكتر في الدنيا دي.