بلاش تمشي ورا كلام الناس

دلوقتي في منكم كتير علي لينكدان و فيسبوك متابعين اخبار اللاي اوف ...اغلب البوستات و ده من ناس سنيورز في المجال و طبعا رؤساء الشركات الكبيرة الفانج بترجح أن السبب هو الذكاء ........

اولا لازم تبقي فاهم أن ده كان بيحصل السنين اللي فاتت في نفس الوقت و كان بيحصل ذروته في شهر ١ و ٢ بالذات

ثانيا رؤوساء الشركات هدفهم الاول و الرئيسي إرضاء المستثمرين و حملة الأسهم فهتلاقي اي خرا بيقولوا يلزق فيه كلمة الذكاء لو كنا صادقين فعلا مكنوش فتحه اكتر من ٢٠ فرع (شركة كلود) السنة اللي فاتت و بيعينوا عادي مهندسين.

ثالثا متمشيش ورا التريند التريند هيجيب اجلك و يعملك اكتئاب اغلب اللي بتشوفهم علي لينكدان بقوا عبيد ريتش من غير ما يحسه مش بيضيفوا قيمة بل اسوء بيخوفوا الناس و يرعبوهم و يقولك في الاخر أنا كان قصدي انصحك. امثال طبعا حماد الهباد و فتحي و ابو سريعة و التاني بتاع ميكروسوفت الهبيد و غيرهم كتير بس دول اللي جم في دماغي.

الحاجة الوحيدة اللي شايفين أثرها حاليا هو أن الاحتياج للسنيورز و الناس الفهمانة الخبرة في المجال في ازدياد انما الجونيور طبيعي الاحتياج عليهم أقل ...طب هل ده معناه أن بعد كام سنة السنيورز بردو مش هيبقي ليهم لازمة ؟ كلام مش واقعي مستحيل الإنسان يحط ثقته الكلية في الآلة بدون رقيب عليها حتي لو يقدر ولكن هياخد وقت و مجهود و فلوس و كهرباء هتلاقي نفسك في الاخر صرفت كتير علي النظام و فقدت مصدر المعلومة الحقيقية ولكن ده علي افتراض أنه ينفع.

طب الجنيورز ؟ هتجيب منين سنيورز لو مكنش عندك في الأصل جنيور

اللي بيحصل دلوقتي هيغير نظام الشغل لكن مش هينهي الشغلانة و متقلقش انت اخر واحد المفروض يستبدل اصلا 😂