فرق السن

انا بنت سني صغير يعني لسه تحت السن بس قربت اتم ال ١٨ عندي مشكلة من زمان جدا من بداية مراهقتي اني بتشد اوي للرجالة الكبار اللي فيهم حنان و كدة و مع الوقت كل ما بكبر الموضوع بيزيد لدرجة ان اي راجل لو قال قدامي انه فوق ال ٣٥ بحس بانجذاب شديد نحيته حتى لو هو مش عاجبني و غير كدة مستحيل اعجب بولد في سني ولا حتى في العشرينات مبقدرش احسهم اكتر من اخوات و خايفة كدة عمري ما هعرف ارتبط و اتجوز عشان انا مش ناوية اتجوز صغيرة يعني لو اتجوزت ٣٠ سنة هلاقي فين واحد عنده ٤٥ يكون شحص كويس فعلا اتجوزه و اهلي مش هيرضوا بفرق السن بس فعلا الموضوع بيزيد مني جدا و زهقت و جربت اطلب مساعدة نفسية و مستفدتش و مش عارفة حقيقي اعمل ايه