قلت لصديقتي تنتبه وسمعتني كلام خايس 🙂

عندي قروب صديقات من بعيد لبعيد يعني ماهم صديقات مدري وش يسمون هالعلاقه بس مجاملات حريم "عادي عندي لأن ماقد اعتبرتهم صديقات قريبات اني ويز ولا هم مايعتبروني او يعتبرون بعض صديقات".

فجأه صرت لما اقول ء يعصبون ويسوون حزب 😅؟

مثال: وحده مصوره ولدها مفلوق وكانت تضحك ومصورته سناب.

فالطبيعي اني لو برد بقول "ياحبيبي اسم الله عليه.."

قالت يستاهل! اجل يطلع على سفرة الاكل ويهرب مايخليني انزله.

فقلتلها يوه انتبهي من طيحات الراس ذي سايسيه ينزل بهدوء اعرف واحد طاح وهو صغير من السرير وكبر لكن فقد عقله (حالياً رجال كبير يسولف ويتكلم لكن الادراك عنده منخفض بسبب الاصابه) استودعيه الله لما يتشاقى

هاوشتني!!! تقول ماتعلميني كيف انتبه لولدي! مارح تخافين عليه كثري ترا لا تشدينها وتفاولين عليه! بتخافين على ولدي اكثر مني؟ بكره لا جاك عيال بتفهمين انهم شياطين ومو على كيفنا

مايند يو انا لي ٤ سنوات متزوجه وماجبنا بيبي والموضوع حساس ، وهي تدري لأن كذا مره تسألني اسلك بحكم اننا مو موه قراب! لين اخر مره قلتلها ادعيلي والله قاعدين نحاول بس ما الله كتب

انا الحين مره زعلانه ومغبونه!

وهي كملت يومها عادي!

لي ثلاثة ايام مو فاهمه كيف اتصرف بالشعور

انا مره متضايقه هل قلت شيء خطا عشان استاهل هالاسلوب!!ه