اعمل ايه 🙂

انا حاليا سنه تانيه جامعه. الحمد لله شغال علي نفسي علي اد ما اقدر الحاجه الوحيده اللي بدات تاخد تفكيري من ساعه ما بدات سنه تانيه جامعه هي ملهاش علاقه بدخولي سنه تانيه بس ده التوقيت االي بفتكر بيه يعني. هو فكره اني اعرف بنت من سنه اولي الترم الاول بجد هي عرفتني بنفسها الاول وكانت بتتكلم كتير تسال علي كذا حاجه تبع الكليه وشويه كده نتكلم في الحياه اليوميه عادي فالمهم انا ابويا وامي كبار اوي في السن واخويا اللي اكبر مني علطول هيتجوز قريب جدا وكلمني في النقطه دي بردو من ناحيتي. وانا اصلا صراحه عايز انا كمان اتجوز بعد الجامعه علطول جامعتي ٤ سنين يعني تقريبا فاضل سنتين ليا. نرجع للبنت دي انا بجد حبيتها بسبب انو في الاول اهتمت بيا حبيت تتعرف عليا وتسال مره واتنين وتلاته اه ممكن علي حاجه في الكليه بس الكلام هيروح فين يعني بني وكمان في كلام عادي رايح جاي ومره قالت لي انت ذكي ومره قالت لي انت المرجع الاساسي بتاعي واعتمد عليك ومعرفش ايه. معرفش ده اعجاب ولا لايمكن يكون لا عادي مش شرط ولو إعجاب مش شرط عاطفي بس الفكره اهو اصلا لازم الإعجاب يكون عاطفي من ناحيتها هل عكسي مني زي ما حصل لاني حبتها بسبب انها مهمته وكده بس بعد كده عرفت انها اجتماعيه اوي اوي بس اما بكلمها مثلا لو شفتها بتكلم شاب تاني بتقول لا انا اصلا اللي بديله مثلا حل كذا بغششه معرفش ايه يعني هي مش محتاجاه يعني اصلا انا عارف اني مليش حق عليها ولا ليا دعوه بس غيرة الواحد بس هي اللي بتذقه حرفيا غصب عنه. عدي فتره ومحدش كلم التاني بس انا متاكد لو بعت هتفتح كلام عادي جدا ولو سالت هتسال وانا صراحه ولد تلم شويه رخمه وتقيل 😅 مش كاريزما وكده لاه خالص والله. فمعرفش هل فعلا لازم اقعد احاول وابعت واهتم وكده؟ لو ايوه انا فعلا عملت كده كذا مره. بس لو شفت مثلا نفس الموقف ده مثلا انها مع شاب تاني عادي من باب انها اجتماعيه وكده برجع تاني ابعد تمام تمام ولا حتي ببص ليها اما اشوفها. فبجد الواحد عايزها معاه اللي هوا رسمي بإذن الله بعدين اما نخلص. الواحد يعمل ايه ؟ او طبعي يمشي ازاي خلال السنتين دول؟ افضل بعيد واراقب ولا ارجع اتكلم وخلاص؟