ما توقعت أقول هذا الشيء

الصج بديت اشوف شهر رمضان هو افضل شهر بالسنة و راح اعلمكم ليش

ميزة هذا الشهر عن غيره خصيصاً بالكويت انك ما راح تداوم واجد و بنفس الوقت تقدر تتابع مسلسلات رمضانية حلوه تكون مخصصه بس لرمضان و تقدر تستانس مع اهلك و جلستهم و تجمعهم و فعاليات ما تنتهي ناهيييك عن الاكل و انواعه بالسفره و اجواء رمضان الحلوه احس حبيت الشهر حيل

يا ليت لو كل الاشهر رمضان

و بالنسبة لي انا اصلاً ما اصلي لا تراويح ولا غيره لاني اعيش مع امي و اخواني و خواتي و اعتبر رجال البيت تقريباً فمحد يقدر يكلمني و اذا تضايقوا مني ينصحوني بس ولا يقدرون يجبروني و انا اعاملهم بشكل زين طبعاً و راضين عني و كذلك انا اصلاً ما افطر في نهار رمضان احس عادي اصوم و لا عندي مشكلة لاني مو دب و متعود ما اكل واجد

انتم شرايكم و شلون شهر رمضان معاكم ؟