ابوي يتصرف كأنه بزر

ابوي راتبه زين بس للاسف جالس يستهتر جدا بالفلوس مدري وش السبب اول شيء انا الكبير و عندي اخت تعبانة و عند اخت ثانية بالجامعة بيتنا ايجار شهريا، ابوي ينزل راتبه يروح يشتري تذاكر مباريات اغلى الاماكن و مرات يكنسلها على اخر ثانية و يتعذر يقول مافيه وقت ابيعها ماخذ له سكن يدفع عليه شهريا برا الرياض و كل ويكند هناك تجيه مخالفات و ما يسددها و نقوله انتبه يقول مالكم دخل و يتعمد المخالفة كل شوي ماسك الجوال بيده و هو يسوق و كل شوي تنزله مخالفة يشتري اغلى العطور و يذبها، انا ماعندي مشكلة يستانس بالعكس بس لو يلتفت لنا شوي اهون مثلا يغير مجلسنا ولا يعطينا فلوس ولا اي شيء صدق شيء يغبن وانا موظف بس راتبي 6000 ما يسوي ولا شيء ، يعني اشوف فيه اولويات حنا محتاجين اكثر و و يدفع راتب سواق عمته كامل مع ان فيه عيال عمته موجودين و يقدرون بس مدري ليه كأنه يقهرنا بالتبذير هذا